മുംബൈ :നാട്ടിലേക്ക് പോകാൻ മുംബൈ കുർള റെയി. സ്റ്റേഷനിൽ എത്തിയ യുവാവ് കുഴഞ്ഞു വീണു മരിച്ചു. കാസര്‍കോട് പൈവളികെ സ്വദേശിയായ ഇബ്രാഹിം ബായാര്‍ ആണ് കുഴഞ്ഞു വീണത്.
തുടർന്ന് രാജവാഡി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരിശോധനയിൽ കോവിഡ് സ്ഥിരീകരിച്ചതിനാൽ കബറടക്കം മുംബൈയിൽ തന്നെ മാനദണ്ഡങ്ങൾ പാലിച്ചു നടത്തുവാനാണ് തീരുമാനിച്ചിരിക്കുന്നതെന്ന് ഓൾ ഇന്ത്യ മലയാളി അസോസിയേഷൻ (എയ്‌മ ) മഹാരാഷ്ട്ര ഘടകം പ്രസിഡന്റ് ടി എ ഖാലിദ് പറഞ്ഞു. വിവരമറിഞ്ഞു നാട്ടിൽ നിന്ന് സഹോദരങ്ങൾ മുംബൈയിലേക്ക് പുറപ്പെട്ടിട്ടുണ്ട്.
