തലശേരി: മദ്യലഹരിയില്‍ ആക്രമാസക്തനായ ജ്യേഷ്ഠനെ അനുജന്‍ കുത്തിക്കൊലപ്പെടുത്തി. ധര്‍മടം ചിറക്കുനിയില്‍ ആയിശ ഹൗസില്‍ ആഷിഫിനെ (28) ആണ് അനുജന്‍ അഫ്‌സല്‍ കുത്തിക്കൊലപ്പെടുത്തിയത്. ശനിയാഴ്ച രാത്രി 11 മണിയോടെ വീട്ടിലായിരുന്നു സംഭവം.മദ്യപിച്ച് വീട്ടിലെത്തിയ ആഷിഫുമായി അഫ്‌സല്‍ വാക്കുതര്‍ക്കത്തിലേര്‍പ്പെട്ടിരുന്നു.
ഇതിനിടയിൽ കത്തിയെടുത്ത് ആഷിഫ് അഫ്സലിന്‍റെ കൈക്ക് കുത്തുകയും ചെയ്തു. പ്രകോപിതനായ അഫ്‌സല്‍ ആഷിഫിന്‍റെ വയറില്‍ കുത്തുകയായിരുന്നുവെന്ന് പോലിസ് പറഞ്ഞു.നിലവിളികേട്ട നാട്ടുകാരാണ് ആഷിഫിനെ ആശുപത്രിയില്‍ പ്രവേശിപ്പിച്ചത്. പോലിസും സ്ഥലത്തെത്തിയിരുന്നു.
തലശേരിയിലെ സ്വകാര്യ ആശുപത്രിയില്‍ ചികിത്സയിലിരിക്കെ ഇന്ന് വൈകിട്ടോടെയാണ് ആഷിഫ് മരിച്ചത്. അഫ്‌സലിനെ ധര്‍മടം പോലിസ് അറസ്റ്റുചെയ്തു.അഫ്‌സല്‍ കുത്താന്‍ ഉപയോഗിച്ച കത്തി പോലിസ് കണ്ടെടുത്തു. കുത്തിപ്പരുക്കേല്‍പ്പിച്ചതിനെ തുടര്‍ന്ന് രാത്രി തന്നെ അഫ്‌സലിനെ പോലിസ് കസ്റ്റഡിയിലെടുത്തിരുന്നു. ആഷിഫ് പംബ്ലര്‍ തൊഴിലാളിയാണ്.
