തിരുവനന്തപുരം: ബംഗാള് ഉള്കടലിലെ ന്യൂനമര്ദം കാരണം വരുന്ന അഞ്ച് ദിവസം സംസ്ഥാനത്ത് കനത്ത മഴക്ക് സാധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. ഒറ്റപ്പെട്ട കനത്ത മഴയാണ് പ്രവചിക്കുന്നത്. വിവിധ ജില്ലകളില് ജാഗ്രതാ നിര്ദേശം പുറപ്പെടുവിച്ചു. അടുത്ത ദിവസങ്ങളില് 64.5 മില്ലി മീറ്റര് മുതല് 115.5 മില്ലിമീറ്റര് വരെ മഴ വിവിധ ജില്ലകളില് പെയ്തേക്കാം. ഒക്ടോബര് എട്ട്, ഒമ്ബത്, 10,11, 12 ദിവസങ്ങളിലാണ് മുന്നറിയിപ്പ് പ്രഖ്യാപിച്ചത്.
ഒക്ടോബര് എട്ടിന് തിരുവനന്തപുരം, കൊല്ലം, ആലപ്പുഴ ജില്ലകളില് യെലോ അലേര്ട് പ്രഖ്യാപിച്ചു. ഒക്ടോബര് ഒമ്ബതിന് പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലും യെലോ അലേര്ട് പ്രഖ്യാപിച്ചു. ഒക്ടോബര് 10ന് പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് യെലോ അലേര്ട് പ്രഖ്യാപിച്ചു.
ഒക്ടോബര് 11ന് കോട്ടയം, എറണാകുളം, ഇടുക്കി, തൃശൂര്, മലപ്പുറം ജില്ലകളിലാണ് യെലോ അലേര്ട്. ഒക്ടോബര് 12ന് ആലപ്പുഴ, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും യെലോ അലേര്ട മുന്നറിയിപ്പ് നല്കി.
സെപ്റ്റംബര് 30ന് കാലവര്ഷം അവസാനിച്ചിട്ടും വിവിധ ജില്ലകളിലെ മലയോര മേഖലകളില് ഇപ്പോഴും മഴ തുടരുകയാണ്.
