കോഴിക്കോട്: സംസ്ഥാനത്തെ നടുക്കിയ നിപ വൈറസിന്റെ മൂന്നാം വരവില്, മരിച്ച കുട്ടിയുടെ സമ്പര്ക്ക പട്ടികയില് വന്നത് 158 പേരെന്ന് കണ്ടെത്തി. ആരോഗ്യവകുപ്പിന്റെ നേതൃത്വത്തില് നടത്തിയ പരിശോധനയിലാണ് സമ്പര്ക്കത്തില് വന്നവരെ കണ്ടെത്തിയത്. ഇതില് 20 പേരാണ് കുട്ടിയുടെ പ്രാഥമിക സമ്പര്ക്ക പട്ടികയില് ഉള്ളത്. മരിച്ച കുട്ടിയുടെ റൂട്ട് മാപ്പ് തയ്യാറാക്കുകയാണ് ഇപ്പോള്.
സ്ഥിതി അവലോകനം ചെയ്യാന് കോഴിക്കോട് ജില്ലാ കളക്ട്രേറ്റില് ഉന്നതതല യോ?ഗം നടക്കുന്നുണ്ട്. ആരോ?ഗ്യ മന്ത്രി വീണ ജോര്ജ്ജ് കോഴിക്കോടെത്തി. ജില്ലയില് നിന്നുള്ള മന്ത്രിമാരായ എകെ ശശീന്ദ്രന്, മുഹമ്മദ് റിയാസ്, അഹമ്മദ് ദേവര്കോവില് എന്നിവരും സവിശേഷ സാഹചര്യം പരി?ഗണിച്ച് സ്ഥലത്ത് ക്യാംപ് ചെയ്യുന്നുണ്ട്.
അതേസമയം നിപബാധയെ തുടര്ന്ന് കുട്ടി മരിച്ച സംഭവത്തില് കോഴിക്കോട് മെഡിക്കല് കോളേജിന്റെ ഭാ?ഗത്ത് വീഴ്ചയുണ്ടായോയെന്ന് പരിശോധിക്കുമെന്ന് മന്ത്രി വീണ ജോര്ജ്ജ് കോഴിക്കോട് വാര്ത്താ സമ്മേളനത്തില് വ്യക്തമാക്കി. പനി ബാധിച്ച് എത്തിയ കുട്ടിക്ക് കോഴിക്കോട് മെഡിക്കല് കോളേജില് സ്രവ പരിശോധനയ്ക്ക് നിര്ദ്ദേശം നല്കിയിരുന്നില്ല. മരിച്ച കുട്ടിക്ക് ഒരു ഘട്ടത്തിലും കൊവിഡ് ഉണ്ടായിരുന്നില്ലെന്നും മന്ത്രി പറഞ്ഞു. ഈ ഘട്ടത്തില് രോ?ഗപ്രതിരോധമാണ് സര്ക്കാരിന്റെ ലക്ഷ്യമെന്ന് മന്ത്രി വ്യക്തമാക്കി. കുട്ടിക്ക് രോ?ഗം ലഭിച്ചത് എവിടെ നിന്നാണെന്ന് കണ്ടെത്താനാണ് ശ്രമിക്കുന്നതെന്ന് മന്ത്രി പറഞ്ഞു.
