Month: June 2021

നീലേശ്വരം : തലയിൽ സ്റ്റീൽപാത്രം കുരുങ്ങിയ കുട്ടിയെ പിങ്ക് പോലീസും അഗ്നിരക്ഷാസേനയും രക്ഷിച്ചു. നീലേശ്വരം തൈക്കടപ്പുറത്താണ് സംഭവം. കളിക്കുന്നതിനിടെയാണ്‌ അബദ്ധത്തിൽ രണ്ടുവയസ്സുകാരന്റെ തലയിൽ കട്ടിയുള്ള പാത്രം കുടുങ്ങിയത്. കുട്ടിയുടെ അച്ഛനും വീട്ടുകാരും നിലവിളിച്ച് വാഹനത്തിനായി റോഡിലെത്തിയപ്പോൾ മുന്നിലെത്തിയത് കോവിഡ് പട്രോളിങ് ഡ്യൂട്ടിയിൽ ഓടുന്ന പിങ്ക് പോലീസിന്റെ വണ്ടിയായിരുന്നു. പിങ്ക് പോലീസ് അഗ്നിരക്ഷാസേനയുമായി ബന്ധപ്പെട്ടു. പോലീസ് വണ്ടിയിൽ കുട്ടിയുമായി രക്ഷിതാക്കൾക്കൊപ്പം കാഞ്ഞങ്ങാട് അഗ്നിരക്ഷാസേനാ നിലയത്തിലെത്തി. അഗ്നിരക്ഷാസേനാജീവനക്കാർ അരമണിക്കൂറോളം പരിശ്രമിച്ചാണ് ഷീറ്റ് കട്ടർ ഉപയോഗിച്ച് പാത്രം മുറിച്ചുമാറ്റിയത്.

UDF സംസ്ഥാന കമ്മിറ്റിയുടെ ആഹ്വാനപ്രകാരം രണ്ടാം പിണറായി സര്‍ക്കാരിന്റെ മരം കൊള്ളക്കെതിരെ ജുഡീഷ്യല്‍ അന്വേഷണം ആവശ്യപ്പെട്ടും കുറ്റവാളികളെ സംരക്ഷിക്കുന്ന സര്‍ക്കാരിന്റെ നിലപാടുകൾക്ക് എതിരെയും UDF പൈവളികെ പഞ്ചായത്ത് കമ്മിറ്റി കയ്യാർ വില്ലേജ് ഓഫീസിന് മുന്നില്‍ പ്രതിഷേധ ധര്‍ണ്ണ നടത്തി…

മുളിയാർ: പൊട്ടി പൊളിഞ്ഞ എട്ടാം മൈലിലെ മുളിയാർ ഗ്രാമ പഞ്ചായത്ത് മൃഗാശുപത്രിയിലെ ചുറ്റുമതിൽ നവീകരിച്ച് ബലപ്പെടുത്തണമെന്ന്കാർഗിൽ ആർട്സ് ആൻറ് സ്പോർട്സ് ക്ലബ്ബ് ആവശ്യപ്പെട്ടു.നിലവിൽ ഒരു ഭാഗം പൊട്ടി റോഡിലേക്ക് വീഴാനുള്ള സ്ഥിതിയിലാണ്.ഇത് അപകടം വിളിച്ചു വരുത്തുന്നതാണ്.ഇത് സംബന്ധിച്ച് ക്ലബ്ബ് ബന്ധപ്പെട്ടവർക്ക് നിവേദനം നൽകി.