Month: June 2021

കാസര്‍കോട്:ഭാഷ ഒരു രാഷ്ട്രത്തിന്റെ സംസ്‌ക്കാരത്തിന്റെ ശക്തിയും ജീവശ്വാസവുമാണെന്നും പ്രാദേശിക ഭാഷകളെ നിലനിര്‍ത്തേണ്ടത് നമ്മുടെ സംസ്‌ക്കാരത്തിന്റെഉത്തരവാദിത്തമാണെന്നും പ്രശസ്ത ചെറു കഥാകൃത്തും എഴുത്തുകാരനുമായ സന്തോഷ് ഏച്ചിക്കാനം അഭിപ്രായപ്പെട്ടു. കാസര്‍ഗോഡ്പട് ല ഗവ: ഹയര്‍ സെക്കണ്ടറി സ്‌കൂളിന്റെ വായനാ പക്ഷാചരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.കേരളത്തില്‍ അറിവിന്റെ സ്വാതന്ത്യസമരം നയിച്ച ആളായിരുന്നു പി.എന്‍ പണിക്കര്‍ എന്നും അദ്ദേഹം കൂട്ടിച്ചേര്‍ത്തു. ഓണ്‍ലൈനായി നടന്ന പരിപാടിയില്‍ പ്രധാനാധ്യാപകന്‍ പി.ആര്‍. പ്രദീപ് സ്വാഗതം പറഞ്ഞു. പി.ടി.എ പ്രസിഡണ്ട് എച്ച്.കെ.അബ്ദുള്‍ റഹ്മാന്‍ അധ്യക്ഷത വഹിച്ചു. എസ് എം […]

കാസര്‍കോട് ജില്ലയില്‍ 493 പേര്‍ കൂടി കോവിഡ് 19 പോസിറ്റീവായി. ചികിത്സയിലുണ്ടായിരുന്ന 539 പേര്‍ക്ക് കോവിഡ് നെഗറ്റീവായി. നിലവില്‍ 3459 പേരാണ് ചികിത്സയിലുള്ളത്. ജില്ലയില്‍ കോവിഡ് ബാധിച്ച് മരിച്ചവരുടെ എണ്ണം 192 ആയി ഉയര്‍ന്നു. ജില്ലയില്‍ നിരീക്ഷണത്തിലുള്ളത് 19484 പേര്‍ വീടുകളില്‍ 18734 പേരും സ്ഥാപനങ്ങളില്‍ 750 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 19484 പേരാണ്. പുതിയതായി 1241 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വ്വേ അടക്കം പുതിയതായി 4121 സാമ്പിളുകള്‍ കൂടി പരിശോധനയ്ക്ക് അയച്ചു (ആര്‍ […]

മുളിയാർ: എം.എൽ.എ. ആസ്തി വികസന ഫണ്ട് ഉപയോഗിച്ച് മല്ലം ക്ഷേത്ര ജംഗ്ഷനിൽസ്ഥാപിച്ച ലോ മാസ്റ്റ് ലൈറ്റ് അഡ്വ.സി.എച്ച് കുഞ്ഞമ്പു എം.എൽ.എ സ്വിച്ച് ഓൺചെയ്തു.ഗ്രാമ പഞ്ചായത്ത് പ്രസിഡണ്ട് പി.വി.മിനിഅധ്യക്ഷത വഹിച്ചു.അംഗം അബ്ബാസ് കൊൾച്ചപ് സ്വാഗതം പറഞ്ഞു.സ്ഥിരം സമിതി അംഗങ്ങളായ മോഹനൻ, അനീസ മൻസൂർ മല്ലത്ത്, മുൻ അംഗം മാധവൻ, ദാമോദരൻ മാസ്റ്റർ സംബന്ധിച്ചു.

കാസർകോട്: പെരിയ ഇരട്ടക്കൊലപാതക കേസിലെ പ്രതികളുടെ ഭാര്യമാർക്ക് കാസർകോട് ജില്ലാ ആശുപത്രിയിൽ സ്വീപ്പർ തസ്തികയിൽ താത്ക്കാലിക നിയമനം നൽകിയതിനെ ചൊല്ലി വിവാദം ശക്തമാകുന്നു. കേസിലെ ആദ്യ മൂന്ന് പ്രതികളുടെ ഭാര്യമാർക്കാണ് നിയമനം നൽകിയത്. കല്യാട്ട് യൂത്ത് കോൺഗ്രസ് പ്രവർത്തകരായിരുന്ന കൃപേഷിനെയും ശരത് ലാലിനെയും കൊലപ്പെടുത്തിയ കേസിലെ മുഖ്യപ്രതിയും സിപിഎം പെരിയ ലോക്കൽ കമ്മിറ്റി അംഗവുമായിരുന്ന എ പീതാംബരന്റെ ഭാര്യയടക്കമുള്ളവരെയാണ് ജില്ലാ ആശുപത്രിയിൽ ആറ് മാസത്തേക്ക് നിയമിച്ചത്. മാനദണ്ഡങ്ങൾ അട്ടിമറിച്ചാണ് താത്ക്കാലിക നിയമനമെന്ന് യൂത്ത് കോൺഗ്രസ് ആരോപിച്ചു.

കാസറഗോഡ് :യുവാവ് കുളത്തിൽ മുങ്ങി മരിച്ചു. മുഹമ്മദ് കൈഫ് (23) ആണ് മരണപ്പെട്ടത്. മേൽപറമ്പ് നെല്ലിയോട്ട് കുളത്തിൽ കുളിക്കാനിറങ്ങിയപ്പോൾ ആണ് അപകടമുണ്ടായത്. നെല്ലിക്കട്ട സ്വദേശിയാണ് മരിച്ച മുഹമ്മദ് കൈഫ്. ടൈല്‍സ് തൊഴിലാളിയായ മുഹമ്മദ് കെയിഫ് ഉദുമയിലെ വീട്ടിലെ ടൈല്‍സ് പണി കഴിഞ്ഞ് അമ്മാവന്റെ കൂടെയാണ് മേൽപറമ്പ് വള്ളിയോട്ട് എത്തിയത്. നിർമ്മാണം നടന്നുകൊണ്ടിരിക്കുന്ന വീടിന് സമീപത്തെ കുളത്തിലാണ് അപകടം ഉണ്ടായത്. മറ്റു തൊഴിലാളികള്‍ മുഹമ്മദ് കെയിഫിനെ ഉടന്‍ ദേളി സ്വകാര്യാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. നെല്ലിക്കട്ടയിലെ ഹനീഫയുടെയും ഫൗസിയുടെയും മകനാണ്. […]