Month: February 2023

കാസർഗോഡ് യൂത്ത് കോൺഗ്രസ് നേതാവിന് നേരെ ആക്രമണം. യൂത്ത് കോൺഗ്രസ് ജില്ലാ സെക്രട്ടറി മാർട്ടിൻ ജോർജിന് നേരെയാണ് ആക്രമണം ഉണ്ടായത്. കോടോത്ത് എരുമക്കുളത്ത് ഇന്നലെ രാത്രി പത്തരയോടെയാണ് സംഭവം. ആക്രമണത്തിൽ പരുക്കേറ്റ മാർട്ടിനെ മംഗലാപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു. കല്ലിയോട്ട് സംഘടിപ്പിച്ച കൃപേഷ്-ശരത് ലാൽ സ്മൃതിയാത്ര കഴിഞ്ഞ് മടങ്ങുമ്പോഴായിരുന്നു സംഭവം നടന്നത്. ആക്രമണത്തിന് പിന്നിൽ സിപിഐഎം ആണെന്ന് യൂത്ത് കോൺഗ്രസ് ആരോപിച്ചു.

കാഞ്ഞങ്ങാട് ∙ ആദ്യം തൊണ്ട വേദന, പിന്നാലെ ശക്തമായ ചുമയും പനിയും. കാലാവസ്ഥാ മാറ്റം ജില്ലയിൽ പനി ബാധിതരുടെ എണ്ണം വീണ്ടും കൂട്ടുന്നു. ഈ മാസം മാത്രം ജില്ലയിലെ സർക്കാർ ആശുപത്രികളിൽ പനി ബാധിച്ച് ചികിത്സ തേടിയവരുടെ എണ്ണം 6313 ആണ്. സ്വകാര്യ ആശുപത്രികളിലും ക്ലിനിക്കുകളിലും ഹോമിയോ, ആയുർവേദ ആശുപത്രികളിലും ചികിത്സ തേടിയവരുടെ എണ്ണം കൂടി.കൂട്ടിയാൽ പനിബാധിതരുടെ എണ്ണം 10,000 കടക്കും. ഈ വർഷം മാത്രം 20,413 പേരാണ് പനി ബാധിച്ചു ചികിത്സ തേടിയത്. ഇതിൽ 11 […]

ഉദുമ: കുസൃതി കാണിച്ചതിന് അച്ഛൻ വഴക്ക് പറയുമെന്ന് പേടിച്ച് വീട്ടിൽ നിന്നിറങ്ങിപ്പോയ പന്ത്രണ്ടുകാരി വീട്ടുകാരെയും പോലീസിനെയും നാട്ടുകാരെയും മണിക്കൂറുകളോളം വട്ടംകറക്കി. ബേക്കൽ പോലീസ് സ്റ്റേഷൻ പരിധിയിലെ ഒരു ബാലികയാണ് നാടിനെ മുൾമുനയിൽ നിർത്തിയത്. മണിക്കൂറുകളോളം തിരഞ്ഞ് ബാലികയെ കണ്ടെത്തിയ അന്വേഷണ സംഘത്തിന് നേതൃത്വം നൽകിയ ബേക്കൽ ഇൻസ്പെക്ടർ യു.പി.വിപിൻ പറഞ്ഞതിങ്ങനെ. നേരത്തേ അച്ഛനറിയാതെ ഈ ബാലിക കാണിച്ച ഒരു കുസൃതിയെക്കുറിച്ച് സഹോദരങ്ങൾ ചൊവ്വാഴ്ച വൈകിട്ട് പിതാവിനെ അറിയിച്ചു. പണി കഴിഞ്ഞുവന്ന അച്ഛൻ രാത്രിയിൽ കുട്ടിയോട് ദേഷ്യത്തിൽ സംഭവം […]

കാസർകോട്: പെരുമ്പള ബേനൂരിലെ അഞ്ജുശ്രീ പാർവതിയുടെ മരണം എലിവിഷം അകത്തുചെന്നതിനാലാണെന്ന് അന്തിമ റിപ്പോർട്ട്. രാസപരിശോധനയിലും പോസ്റ്റ്മോർട്ടത്തിലും എലിവിഷമാണ് മരണകാരണമെന്ന് വ്യക്തമായി. ജനുവരി ഏഴിനാണ് മംഗളൂരുവിലെ സ്വകാര്യ ആസ്പത്രിയിൽ ചികത്സയ്ക്കിടെ അഞ്ജുശ്രീ പാർവതി മരിച്ചത്. ഹോട്ടലിൽനിന്ന് വാങ്ങിയ ഭക്ഷണം കഴിച്ചശേഷമുണ്ടായ ശാരീരിക അസ്വാസ്ഥ്യത്തെ തുടർന്നാണ് ആസ്പത്രിയിൽ പ്രവേശിപ്പിച്ചതെന്ന് ബന്ധുക്കൾ പോലീസിൽ പരാതി നൽകിയിരുന്നു. തുടർന്നാണ് അഞ്ജുശ്രീയുടെ ആന്തരികാവയവങ്ങൾ രാസപരിശോധനയ്ക്ക് അയച്ചത്. പരിയാരത്തെ കണ്ണൂർ ഗവ. മെഡിക്കൽ കോളേജ് ആസ്പത്രിയിൽ നടത്തിയ മൃതദേഹപരിശോധനയിലും എലിവിഷമാണ് മരണകാരണമെന്ന് കണ്ടെത്തിയിരുന്നു. വീട്ടിൽനിന്ന് ലഭിച്ച […]