തിരുവനന്തപുരം ഒരു ഡോസ് കൊവിഡ് വാക്സിനെങ്കിലും എടുത്തവര്ക്ക് ടൂറിസം കേന്ദ്രങ്ങള് സന്ദര്ശിക്കാന് അനുമതിയെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്. കൊവിഡ് ഭീതി മൂലം വിദേശടൂറിസ്റ്റുകള് എത്താന് സാധ്യതയില്ലാത്തതിനാല് ആഭ്യന്തര ടൂറിസം പ്രോത്സാഹിപ്പിക്കാനാണ് സര്ക്കാര് ലക്ഷ്യമിടുന്നതെന്നും മന്ത്രി പറഞ്ഞു.
കൊവിഡില് ടൂറിസം മേഖലയില് മാത്രം 3300 കോടി രൂപയുടെ നഷ്ടമുണ്ടായെന്നും റിയാസ് പറഞ്ഞു. 2020 മാര്ച്ച് മുതല് ഡിസംബര് വരെ മാത്രം ടൂറിസം രംഗത്ത് 3300 കോടി രൂപയുടെ നഷ്ടമുണ്ടായി. വിദേശനാണ്യവിനിമയത്തിലുണ്ടായ ഇടിവ് 7000 കോടിയുടേതാണ്. 2016ല് 13 കോടി വിനോദസഞ്ചാരികള് കേരളത്തിലേക്ക് വന്നെങ്കില് 2020-ല് അതു 45 ലക്ഷമായി കുറഞ്ഞെന്നും മന്ത്രി പറഞ്ഞു.
