കാസര്കോട്:െഎ.എന്.എല് സേവ് ഫോറം പ്രഖ്യാപിച്ച ഭാരവാഹികള്ക്കെതിരെ നടപടി. ജില്ല സഹ ഭാരവാഹികളായ ഇക്ബാല് മാളിക, റിയാസ് അമലടുക്കം, അമീര് കോടി, സംസ്ഥാന കൗണ്സില് അംഗങ്ങള് എം.എ.
കുഞ്ഞബ്ദുല്ല, എം.കെ. ഹാജി, എ.കെ. കമ്ബാര്, ജില്ല പ്രവര്ത്തകസമിതി അംഗങ്ങളായ ഹാരിസ് ബെടി, മുസ്തഫ കുമ്ബള, സാലിം ബേക്കല് എന്നിവരെ പാര്ട്ടിയുടെ വിവിധ ഭാരവാഹിത്വത്തില്നിന്ന് നീക്കംചെയ്തു. പാര്ട്ടി മെംബര്ഷിപ് പ്രവര്ത്തനം ജില്ലയില് സജീവമായി നടക്കുന്ന ഈ സാഹചര്യത്തില് പരസ്യപ്രസ്താവനയിലൂടെ ഗുരുതരമായ പാര്ട്ടി വിരുദ്ധ പ്രവര്ത്തനം നടത്തിയെന്ന് ചൂണ്ടിക്കാട്ടിയാണ് അച്ചടക്കനടപടി.
പാര്ട്ടിയുടെ പ്രഥമിക അംഗത്വത്തില്നിന്ന് ഇവരെ നീക്കംചെയ്യുന്നതിനായി മേല് ഘടകത്തോട് ശിപാര്ശയും ചെയ്തു. സംഘടനാവിരുദ്ധ പ്രവര്ത്തനം നടത്തിയ എന്.ൈവ.എല് ജില്ല ഭരവാഹികളായ സിദ്ദീഖ് ചേരൈങ്ക, അന്വര് മാങ്ങാടന് എന്നിവരെ രണ്ട് വര്ഷത്തേക്ക് പാര്ട്ടിയില്നിന്ന് പുറത്താക്കിയതായും ജില്ല കമ്മിറ്റി അറിയിച്ചു.
