ദുബായ്: യു എ ഇയില് അടുത്ത മാസം ആരംഭിക്കുന്ന ടി20 ലോക കപ്പിനുശേഷം ടി20 ടീമിന്റെ ക്യാപ്റ്റന് സ്ഥാനം ഒഴിയുമെന്ന് പ്രഖ്യാപിച്ച് ഇന്ത്യന് ക്രിക്കറ്റ് ടീം ക്യാപ്റ്റൻ വിരാട് കോലി.
ജോലി ഭാരം കണക്കിലെടുത്താണ് ടി20 നായക സ്ഥാനം ഒഴിയുന്നതെന്നും ഏക ദിനങ്ങളിലും ടെസ്റ്റിലും ക്യാപ്റ്റനായി തുടരുമെന്നും കോലി വ്യക്തമാക്കി.
കഴിഞ്ഞ എട്ടോ ഒമ്പതോ വര്ഷമായി മൂന്നു ഫോര്മാറ്റിലും കളിക്കുന്നതിന്റെയും അഞ്ചോ ആറോ വര്ഷമായി മൂന്ന് ഫോര്മാറ്റിലും ക്യാപ്റ്റനാവുന്നതിന്റെയും ജോലിഭാരം കണക്കിലെടുത്ത് ടി20 ക്യാപ്റ്റന് സ്ഥാനം ലോകകപ്പിന് ശേഷം ഒഴിയുകയാണ്.
ടെസ്റ്റിലും ഏകദിനത്തിലും ടീമിനെ തുടര്ന്നും നയിക്കും. ടി20 ക്യാപ്റ്റനെന്ന നിലയില് കഴിവിന്റെ പരമാവധി ടീമിന് നല്കാന് ശ്രമിച്ചിട്ടുണ്ട്. ഒരു ബാറ്റ്സ്മാനെന്ന നിലയില് ടി20യില് തുടര്ന്നും ടീമിനായി മികച്ച പ്രകടനം പുറത്തെടുക്കും.
