മഞ്ചേശ്വരം ▪️ കുമ്പള കോയിപ്പാടിയില്‍ സ്‌കൂട്ടറില്‍ വില്‍പനയ്ക്കായ് കടത്തിക്കൊണ്ടുവന്ന 7.56 ലിറ്റര്‍ കര്‍ണാടക മദ്യം എക്‌സൈസ് പിടികൂടി. വാഹനം കസ്റ്റഡിയിലെടുത്ത് കോയിപ്പാടിയിലെ പ്രമീഷ് എ.കെ, 38 എന്നയാളെ കുമ്പള എക്‌സൈസ് റേയ്ഞ്ച് പ്രിവന്റീവ് ഓഫീസര്‍ എം.രാജീവനും പാര്‍ട്ടിയും ചേര്‍ന്ന് അറസ്റ്റ് ചെയ്തു ഒരു അബ്കാരി കേസ് എടുത്തു. പാര്‍ട്ടിയില്‍ സിവില്‍ എക്‌സൈസ് ഓഫീസര്‍മാരായ സുധീഷ്.പി, ഹമീദ്.എം, അഖിലേഷ്.എം.എം,അമിത്ത്.കെ എന്നിവര്‍ ഉണ്ടായിരുന്നു.
