കാഞ്ഞങ്ങാട്: പുതുക്കൈ, നരിക്കാട്ടറയിലെ പുതുപ്പാടിയില്‍ മനോജ്‌ കുമാര്‍ (44) കിടപ്പു മുറിയില്‍ തൂങ്ങി മരിച്ചു. ഭാര്യ പ്രമീള പുലര്‍ച്ചെ 5.30 മണിയോടെ എഴുന്നേറ്റ്‌ അടുക്കളയിലേക്ക്‌ പോയതിനു ശേഷമാണ്‌ തൂങ്ങിയത്‌. അയല്‍വാസികളുടെ സഹായത്തോടെ ഉടന്‍ നീലേശ്വരത്തെ ആശുപത്രിയില്‍ പ്രവേശിപ്പിച്ചുവെങ്കിലും രക്ഷിക്കാനായില്ല. കെട്ടിട നിര്‍മ്മാണ തൊഴിലാളിയാണ്‌. സാമ്പത്തിക ബാധ്യതയാണ്‌ ആത്മഹത്യയ്‌ക്ക്‌ ഇടയാക്കിയതെന്നു സംശയിക്കുന്നു.കൊട്ടന്‍- നാരായണി ദമ്പതികളുടെ മകനാണ്‌. മക്കള്‍: മിഥുന, മഞ്‌ജിമ. സഹോദരങ്ങള്‍: ഉഷ, ശ്രീജ, ഷീബ.
