പൂനെ: മഹാരാഷ്ട്രയില്‍ പത്ത് മന്ത്രിമാര്‍ക്കും 20 എം.എല്‍.എമാര്‍ക്കും കൊവിഡ്. ഉപമുഖ്യമന്ത്രി അജിത് പവാറാണ് ഇക്കാര്യം അറിയിച്ചത്.
മഹാരാഷ്ട്രയില്‍ 8,067 പേര്‍ക്ക് കൊവിഡ് സ്ഥിരീകരിച്ചതിന് പിന്നാലെയാണ് മന്ത്രിമാര്‍ക്കും എം.എല്‍.എമാര്‍ക്കും കൊവിഡ് സ്ഥിരീകരിച്ച വിവരം അജിത് പവാര്‍ അറിയിച്ചത്.
വ്യാഴാഴ്ച റിപ്പോര്‍ട്ടു ചെയ്തതിനേക്കാള്‍ 50 ശതമാനം കൂടുതല്‍ കേസുകളാണ് കഴിഞ്ഞ 24 മണിക്കൂറിനുള്ളില്‍ സംസ്ഥാനത്ത് റിപ്പോര്‍ട്ട് ചെയ്യപ്പെട്ടത്.
മന്ത്രിമാര്‍ക്കും എം.എല്‍.എമാര്‍ക്കും കൊവിഡ് സ്ഥിരീകരിച്ച പശ്ചാത്തലത്തില്‍ നിയമസഭാ സമ്മേളനം വെട്ടിക്കുറച്ചതായി അജിത് പവാര്‍ പറഞ്ഞു.
