അഹ്മദാബാദ്: ടൗേട്ട ചുഴലിക്കാറ്റ് വീശിയടിച്ചതിന് പിന്നാലെ ഗുജറാത്തിലെ അഹ്മദാബാദിൽ അഞ്ചുനില കെട്ടിടം നിലംപൊത്തി. കെട്ടിടം തകർന്നുവീഴുന്നതിെൻറ വിഡിയോ പുറത്തുവന്നു.
24 വർഷം പഴക്കമുള്ള കെട്ടിടമാണ് തകർന്നുവീണത്. കെട്ടിടത്തിൽ താമസിച്ചിരുന്ന 28 പേരും ഒഴിഞ്ഞുപോയിരുന്നതിനെ തുടർന്ന് വൻ ദുരന്തം ഒഴിവാകുകയായിരുന്നു.
ടൗേട്ട ചുഴലിക്കാറ്റ് ശക്തിയായി വീശിയടിച്ചതോടെ ചൊവ്വാഴ്ച കെട്ടിടത്തിന് ചെറിയ അനക്കമുണ്ടായിരുന്നു. തുടർന്ന് സുരക്ഷ കാരണത്താൽ താമസക്കാരെ ഇവിടെനിന്ന് മാറ്റിപാർപ്പിച്ചു. അപകടത്തിൽ ആർക്കും പരിക്കേറ്റിട്ടില്ല.
India: Five-storey building collapses in Jamalpur, Ahmedabad. #BuildingCollapse #JamalpurBuildingCollapse #Gujaratpic.twitter.com/Jstv9e6ZOb
— Annu Kaushik (@AnnuKaushik253) May 19, 2021
