കടമ്പാറിലെ പെയ്ന്റിംഗ് ജോലി ചെയ്യുന്ന അജിത്ത് , വൊര്ക്കാടി ബേക്കറി ജംഗ്ഷനിലെ സ്വകാര്യ സ്കൂളില് അധ്യാപികയായി ജോലി ചെയ്യുന്ന ഭാര്യ ശ്വേത എന്നിവരാണ് മരിച്ചത്.
മഞ്ചേശ്വരം : അധ്യാപികയും ഭര്ത്താവും വിഷം കഴിച്ച് ജീവനൊടുക്കി. കടമ്പാറിലെ പെയ്ന്റിംഗ് ജോലി ചെയ്യുന്ന അജിത്ത് , വൊര്ക്കാടി ബേക്കറി ജംഗ്ഷനിലെ സ്വകാര്യ സ്കൂളില് അധ്യാപികയായി ജോലി ചെയ്യുന്ന ഭാര്യ ശ്വേത എന്നിവരാണ് മരിച്ചത്. തിങ്കളാഴ്ച രാത്രി 12.30 മണിയോടെയാണ് അജിത്ത് മരിച്ചത്. ഭാര്യ ഇന്ന് ചൊവ്വാഴ്ച പുലര്ച്ചെ ദേര്ളക്കട്ടയിലെ ആശുപത്രിയില് മരണപ്പെട്ടത്. ആത്മഹത്യക്കു പിന്നില് കടുത്ത സാമ്പത്തിക പ്രശ്നമാണെന്നാണ് പ്രാഥമിക വിവരം. അജിത്തും ഭാര്യയും മാതാവ് പ്രമീളയുമാണ് വീട്ടില് താമസം. മാതാവ് ജോലിക്കു പോയിരുന്നു. തിങ്കളാഴ്ച നേരത്തെ വീട്ടിലെത്തിയ ശ്വേതയും ഭര്ത്താവ് അജിത്തും മൂന്നു വയസ്സുള്ള മകനെയും കൂട്ടി ബന്തിയോട്ടുള്ള സഹോദരിയുടെ വീട്ടിലാക്കിയിരുന്നു. മോനെ കുറച്ച് നേരം നോക്കണമെന്നും പറഞ്ഞാണ് മടങ്ങിയത്. പിന്നീട് രണ്ടു പേരും വിഷം കഴിക്കുകയായിരുന്നു
