തിരുവനന്തപുരം; കോവിഡ് പ്രതിരോധ സാമഗ്രികളുടെ വില കൂട്ടി. നേരത്തെ സർക്കാർ ഇടപെട്ട് തീരുമാനിച്ച വിലയിലാണ് വർധന. പി പി ഇ കിറ്റിന് 328 രൂപ,എൻ 95 മാസ്കിന് 26 രൂപ,പൾസ് ഓക്സിമീറ്ററിന് 1800 രൂപ എന്നിങ്ങനെയാണ് വർധന.നേരത്തെ തീരുമാനിച്ച വിലയിൽ വില്പന നടത്തിയാൽ നഷ്ടമാകുമെന്ന് കേരള മെഡിക്കൽ സർവീസ് കോർപ്പറേഷൻ അറിയിച്ചതിനെ തുടർന്ന് വിലയിൽ മാറ്റം വരുത്തുകയായിരുന്നു.അസംസ്കൃത വസ്തുക്കളുടെ ലഭ്യത കുറവും വില വർധനയുമാണ് സാമഗ്രികളുടെ വില കൂടാൻ കാരണം.
