കുമ്പള : കുമ്പളയിൽ സ്ഥിതി ചെയ്യുന്ന മഞ്ചേശ്വരം ഐഎച്ച്ആർഡി അപ്ലൈഡ് സയൻസ് കോളേജിൽ പുതുതായി രണ്ട് കോഴ്സുകൾക്ക് സർക്കാർ അനുമതിയായതായി മഞ്ചേശ്വരം എംഎൽഎ എ.കെ.എം അഷ്റഫ് അറിയിച്ചു.
ബിഎ ഇംഗ്ലീഷ് വിത്ത്‌ ജേർണലിസം (30 സീറ്റ് ) എം കോം ഫൈനാൻസ് (15 സീറ്റ്) എന്നീ കോഴ്സുകൾക്കാണ് അനുമതിയായത്.മഞ്ചേശ്വരം എംഎൽഎ നിയമ സഭയിൽ അവതരിപ്പിച്ച സബ്മിഷന്റെ തുടർച്ചയായാണ് ഉന്നത വിദ്യാഭ്യാസ വകുപ്പ് കോഴ്സുകൾ അനുവദിച്ചത്.ഈ അധ്യായന വർഷം മുതൽതന്നെ ക്ലാസുകൾ ആരംഭിക്കാൻ കഴിയുമെന്നും എംഎൽഎ അറിയിച്ചു.
