സ്കൗട്ട് ആൻഡ് ഗൈഡ് റോവർ വിഭാഗം ജില്ലാ കമ്മിഷണറായി നിയമിതനായ അജിത് സി കളനാടിനെയും വാഹനാപകടത്തിൽപെട്ട രണ്ട് വിദ്യാർത്ഥിനികളെ തന്റെ സമയോചിതമായ ഇടപെടലിലൂടെ ജീവൻ രക്ഷിച്ച സാലി കോയ കീഴൂറിനെയും അലിഫ് ഫുട്‌ബോൾ അക്കാദമി ആദരിച്ചു. അക്കാദമി കോർഡിനേറ്റർ സി എം അഷറഫ് അധ്യക്ഷത വഹിച്ച പരിപാടിയിൽ പഞ്ചായത്ത് മെമ്പർ അഹമ്മദ് കല്ലട്ര സ്നേഹാദരവ് നിർവ്വഹിച്ചു.അക്കാദമി പരിശീലകൻ എം കെ റഷീദ് സ്വാഗതം പറഞ്ഞു. അജിത്, സാലി തുടങ്ങിയവർ സംസാരിച്ചു.
