എറണാകുളം അഴിമുറിയിൽ ഓടിക്കൊണ്ടിരുന്ന കാറിന് തീ പിടിച്ചു. പതിനാറു വർഷം പഴക്കമുള്ള ആൾട്ടോ 800 കാറിനാണ് തീ പിടിച്ചത്. വാഹനം ഓടിച്ചയാൾ ഇറങ്ങി ഓടിയതിനാൽ ജീവൻ രക്ഷിക്കാനായി. ഫയർ ഫോഴ്സ് എത്തിയാണ് കാറിന്റെ തീ അണച്ചത്. പെട്രോൾ ലീക്കാവുന്നതായി ശ്രദ്ധയിൽ പെട്ടതോടെ ഇയാൾ ഇറങ്ങി ഓടുകയായിരുന്നു. അപ്പോൾ തന്നെ കാറിന് തീ പിടിക്കുകയും ചെയ്തു. കാർ ഭാഗികമായി കത്തി നശിച്ചിട്ടുണ്ട്. ( Alto 800 caught fire while running in Ernakulam ).
കണ്ണൂരിൽ കാറിന് തീപിടിച്ച് ദമ്പതികൾ മരിച്ച സംഭവത്തിന്റെ ചൂടാറും മുമ്പാണ് വീണ്ടും സമാന തരത്തിലുള്ള അപകടം ഉണ്ടാവുന്നത്. അന്നത്തെ അപകട കാരണം ഷോർട്ട് സർക്യൂട്ടാണെന്ന് കണ്ണൂർ ആർഡിഒ വ്യക്തമാക്കിയിരുന്നു. കാർ കത്തി ദമ്പതികൾ മരിച്ച സംഭവത്തിൽ ഹൈക്കോടതി കണ്ണൂർ റീജണൽ ട്രാൻസ്പോർട്ട് ഓഫീസറോടാണ് റിപ്പോർട്ട് തേടിയിരുന്നു.
