മൊഗ്രാൽ.മൊഗ്രാൽ ദേശീയവേദി പ്രവർത്തകരും, മൊഗ്രാലിലെ മറ്റ് ഫുട്ബോൾ താരങ്ങളും അണിനിരന്ന് കൊണ്ടുള്ള അർജന്റീന -ഫ്രാൻസ് മത്സരം ഇന്ന് (16-12-22) വെള്ളി രാത്രി 9 മണിക്ക് മൊഗ്രാലിലെ കിക്ക്‌ ഫ്ലിക്ക് ടർഫിൽ വെച്ച് നടക്കും.
വിജയികൾക്ക് ട്രോഫി സമ്മാനിക്കും.ഫ്രാൻസ് ടീമിനായി ദേശീയവേദി പ്രസിഡണ്ട് എ എം സിദ്ദീഖ് റഹ്മാന്റെ നേതൃത്വത്തിലും, അർജന്റീന ടീമിനായി ജന:സെക്രട്ടറി ടി കെ ജാഫറിന്റ നേതൃത്വത്തിലും മത്സരിക്കും.
ദേശീയവേദി ഭാരവാഹികൾക്കൊപ്പം മൊഗ്രാൽ സ്പോർട്സ് ക്ലബ്ബ് താരങ്ങളായ എച് എ ഖാലിദ്, ജാബിർ, എം എം അഷ്‌റഫ്‌ പെർവാഡ്, എം എ അബൂബക്കർ സിദ്ദീഖ്, മുൻ യൂണിവേഴ്സിറ്റി താരം ടി എം ശുഹൈബ്,എം എ സിദ്ദീഖ്, കുമ്പള ഗ്രാമപഞ്ചായത്ത് വൈസ് പ്രസിഡണ്ട് നാസർ മൊഗ്രാൽ, ഗ്രാമപഞ്ചായത്ത് അംഗം റിയാസ് മൊഗ്രാൽ എന്നിവരും ഇരു ടീമുകൾക്ക് വേണ്ടി കളിക്കളത്തിലിറങ്ങുമെന്ന് ദേശീയവേദി ഭാരവാഹികൾ അറിയിച്ചു.
