അഞ്ച് സംസ്ഥാനങ്ങളിലെ തെരഞ്ഞെടുപ്പില്‍ കോണ്‍ഗ്രസ് ദയനീയ പ്രകടനം കാഴ്ചവച്ചതിന് പിന്നാലെ കണ്ണൂരില്‍ പോസ്റ്റര്‍ പ്രതിഷേധം.
കോണ്‍ഗ്രസ് ജനറല്‍ സെക്രട്ടറി കെ സി വേണുഗാപാലിന് എതിരെയായാണ് പ്രതിഷേധം. രൂക്ഷ വിമര്‍ശനമാണ് ജന്‍മനാട്ടില്‍ കെ സി വേണുഗോപാലിന് എതിരെ ഉയരുന്നത്.
ശ്രീകണ്ഠപുരം, എരുവേശി, ഭാഗങ്ങളിലാണ് പോസ്റ്ററുകള്‍ പ്രത്യക്ഷപ്പെട്ടത്. അഞ്ച് സംസ്ഥാനം വിറ്റു തുലച്ച കെസി വേണുഗോപാലിന് ആശംസകള്‍, പെട്ടിതൂക്കി വേണുഗോപാലിനെ ഒഴിവാക്കൂ എന്നിങ്ങനെയാണ് പോസ്റ്ററിലെ പരാമര്‍ശം.
മുന്‍ കേന്ദ്ര മന്ത്രിയും രാജസ്ഥാനില്‍ നിന്നുള്ള രാജ്യസഭ അംഗവും ഇന്ത്യന്‍ നാഷണല്‍ കോണ്‍ഗ്രസ്‌ന്റെ സംഘടനാ ചുമതലയുള്ള ജനറല്‍ സെക്രട്ടറിയാണ്. രാഹുല്‍ ഗാന്ധിയുള്‍പ്പെടെ കോണ്‍ഗ്രസിന്റെ ദേശീയ നേതാക്കളുമായി അടുത്ത ബന്ധം പുലര്‍ത്തുന്ന വ്യക്തികൂടിയാണ് കെസി വേണുഗോപാല്‍.
