മുള്ളേരിയ : ആദൂർ ഗവ. ഹയർസെക്കൻഡറി സ്‌കൂളിൽ പ്ലസ് വൺ വിദ്യാർഥിയെ ക്ലാസ് മുറിയിലും പുറത്തും വെച്ച് ക്രൂരമായി മർദിച്ചതിന് ഏഴ് പ്ലസ് ടു വിദ്യാർഥികൾക്കെതിരേ ആദൂർ പോലീസ് കേസെടുത്തു.
പ്ളസ് വൺ ക്ലാസ് തുടങ്ങി രണ്ടാം ദിവസമാണ് മർദിച്ച് ക്ലാസ് മുറിയിലെ ഡെസ്ക് ദേഹത്തേക്ക് ഇട്ടത്. പരിക്കേറ്റ കുട്ടി കുറച്ചുദിവസം പേടിച്ച്‌ വീട്ടിൽ പറഞ്ഞില്ല. കഴുത്തിനടക്കം വേദന കൂടിയപ്പോൾ പിതാവിനോട് പറഞ്ഞ് കാസർകോട് സ്വകാര്യ ആസ്പത്രിയിൽ പ്രവേശിപ്പിച്ചു. കുട്ടി ഷൂസ് ധരിച്ചെന്ന കാരണത്തലാണ് ആക്രമണം.
പ്രിൻസിപ്പൽ നൽകിയ പരാതിയുടെ അടിസ്ഥാനത്തിൽ ആൻറി റാഗിങ്ങ് കമ്മിറ്റി അന്വേഷണം നടത്തി റിപ്പോർട്ട് നൽകി.
കുട്ടിയുടെ പിതാവ് പരാതി നൽകിയതോടെ ഏഴ് വിദ്യാർഥികൾക്കതിരേ ഭാരതീയ ന്യായസംഹിത വിവിധ വകുപ്പുകൾ പ്രകാരവും കേരള റാഗിങ് നിരോധനനിയമ പ്രകാരവും കേസ് രജിസ്റ്റർ ചെ
യ്തു.
