Category: കേരളം

ആമസോണിൽ പാസ്പോർട്ട് കവർ ഓർഡർ ചെയ്തയാളിന് പൗച്ചിനോടൊപ്പം കിട്ടിയത് ഒറിജിനൽ പാസ്സ്‌പോർട്ട്. വയനാട് കണിയാമ്പറ്റ സ്വദേശി മിഥുൻ ബാബുവിനാണ് ആമസോണിൽ നിന്ന് പാസ്പോർട്ട് ലഭിച്ചത്. ഒക്ടോബർ 30 നാണ് മിഥുൻ ബാബു ആമസോണിൽ പാസ്പോർട്ട് പൗച്ച് ഓർഡർ ചെയ്തത്. നവംബർ ഒന്നിന് പൗച്ച് കൈയ്യിലെത്തി. പൗച്ച്പരിശോധിച്ചപ്പോഴാണ് അതിൽ തൃശ്ശൂർ സ്വദേശിയുടെ ഒറിജനൽ പാസ്പോർട്ട് കണ്ടത്. 

ഷാര്‍ജയിലേക്ക് കടത്താന്‍ ശ്രമിച്ച 16.5 ലക്ഷം രൂപയുടെ വിദേശ കറന്‍സിയുമായി ചട്ടഞ്ചാല്‍ സ്വദേശി കാസര്‍കോട്ട് പിടിയില്‍. ബെണ്ടിച്ചാലിലെ അബ്ദുല്‍ ഖാദറിനെ(37)യാണ് കാസര്‍കോട് കസ്റ്റംസ് അറസ്റ്റ് ചെയ്തത്. രഹസ്യവിവരത്തിന്റെ അടിസ്ഥാനത്തില്‍ കഴിഞ്ഞ ദിവസം കാസര്‍കോട് റെയില്‍വെ സ്റ്റേഷനില്‍ വെച്ചാണ് അബ്ദുല്‍ ഖാദര്‍ കസ്റ്റംസിന്റെ പിടിയിലായത്. ഇയാളുടെ ബാഗ് പരിശോധിച്ചപ്പോള്‍ യുഎസ് ഡോളര്‍, സൗദി, ഒമാന്‍ റിയാലുകള്‍, യൂറോ എന്നിവ കണ്ടെത്തുകയായിരുന്നു. അബ്ദുല്‍ഖാദര്‍ കോഴിക്കോട് വിമാനത്താവളം വഴി കറന്‍സി ഷാര്‍ജയിലേക്ക് കടത്താനാണ് ശ്രമിച്ചതെന്ന് കസ്റ്റംസ് സൂപ്രണ്ട് പി.പി രാജീവന്‍ പറഞ്ഞു.

സംസ്ഥാന സര്‍ക്കാര്‍  പെട്രോള്‍ നികുതി കുറക്കാന്‍ തയ്യാറായില്ലെങ്കില്‍ ശക്തമായ പ്രക്ഷോഭവുമായി രംഗത്ത് വരുമെന്ന് കെ.പി.സി.സി പ്രസിഡണ്ട് കെ. സുധാകരന്‍.   ‘ഇന്ധനവില കുറയ്ക്കാതിരുന്നാൽ സ്ഥിതി വഷളാവും  പ്രക്ഷോഭത്തിന്‍റെ വാൾമുന സംസ്ഥാന സർക്കാരിനെതിരെ തിരിച്ചുവിടും’. അദ്ദേഹം പറഞ്ഞു.  പ്രഖ്യാപിത സമരങ്ങളുമായി മുന്നോട്ട് പോകാനാണ് കോണ്‍ഗ്രസിന്‍റെ തീരുമാനമെന്ന്   സുധാകരന്‍ മുന്നറിയിപ്പ് നല്‍കി. 

ആലംപാടി: ആലംപാടി നൂറുൽ ഇസ്‌ലാം ഹയർ സെക്കണ്ടറി മദ്രസ വിദ്യാർത്ഥികളുടെ നബിദിന കലാ പരിപാടിയിൽ (നൂർ ഫെസ്റ്റോം സീസൺ-4 വിദ്യാർത്ഥി ഫെസ്റ്റ് 2021) നിസ്വാർത്ഥ സേവനം ചെയ്ത വനിതാ വളന്റിയേഴ്‌സിനെ ഐ.എൻ.എൽ ആലംപാടി സ്നേഹോപഹാരം നൽകി അനുമോദിച്ചു. വനിതാ വളന്റിയേഴ്‌സിനുള്ള സ്നേഹോപഹാരം ഇഖ്ബാൽ കേളങ്കയം മദ്രസാ സദർ മുഅല്ലിം ശംസുദ്ധീൻ മൗലവിയെ ഏൽപ്പിച്ചു. ഗപ്പു ആലംപാടി, റപ്പി. പികെ, മഹറു മേനത്ത്, ഉമ്മർ ചാൽക്കര, നസീർ ബിസ്മില്ല, ഉമ്മർ കരോടി തുടങ്ങിയവർ ചടങ്ങിൽ സംബന്ധിച്ചു.

കേരളം ഇന്ധനനികുതി കുറക്കില്ലെന്ന് ധനമന്ത്രി കെ.എൻ ബാലഗോപാൽ. നികുതി കുറയ്ക്കാന്‍ കേരളത്തിന് പരിമിതിയുണ്ട്. സംസ്ഥാനം കടുത്ത സാമ്പത്തിക പ്രതിസന്ധിയിലാണ്. ഈ വർഷം മാത്രം കേരളത്തിനുള്ള വിഹിതമായ  6400 കോടി രൂപയാണ് കേന്ദ്രം വെട്ടിക്കുറച്ചത്.  30 രൂപയിലധികമാണ്  കേന്ദ്രം ഇന്ധനവില വർധിപ്പിച്ചത്. കേന്ദ്രത്തിന്‍റേത് പോക്കറ്റടിക്കാരന്‍റെ രീതിയാണെന്നും മന്ത്രി പറഞ്ഞു. ആനുപാതികമായ കുറവ് കേരളത്തില്‍  ഉണ്ടായിട്ടുണ്ട്. എന്നാല്‍ കൂടുതല്‍ കുറയ്ക്കാന്‍ സംസ്ഥാന സര്‍ക്കാരിന് കഴിയില്ല. സാമൂഹിക ക്ഷേമ വകുപ്പുകള്‍ നടപ്പിലാവണമെങ്കില്‍ ഖജനാവില്‍ പണം വേണം. ഇത് പോലുള്ള നികുതികള്‍ കുറയ്ക്കാന്‍ […]

ബംഗളൂരു: വിമാനത്താവളത്തില്‍വെച്ച് തെന്നിന്ത്യന്‍ സൂപ്പര്‍ താരം വിജയ് സേതുപതിയെ ആക്രമിച്ചത് മലയാളി. ബംഗലൂരുവില്‍ താമസിക്കുന്ന ജോണ്‍സണ്‍ ആണ് മദ്യലഹരിയിലെത്തി ആക്രമിച്ചത്. ഇയാളെ പൊലീസ് കസ്റ്റഡിയിലെടുത്തു. വിജയ് സേതുപതിയെയും കൂടെ ഉണ്ടായിരുന്ന മറ്റൊരു നടനെയും അംഗരക്ഷകരെയും ആക്രമിക്കുന്നതിന്റെ ദൃശ്യങ്ങള്‍ പുറത്തു വന്നിരുന്നു. താരം ബംഗളൂരു വിമാനത്താവളത്തിന് പുറത്തേക്ക് വരുമ്പോഴായിരുന്നു സംഭവം. യുവാവ് അകാരണമായി ആക്രമിക്കുകയായിരുന്നു. വിജയ് സേതുപതിയും നടനും സുഹൃത്തുമായ മഹാഗന്ധിയും അംഗരക്ഷകര്‍ക്കൊപ്പം നടന്നു നീങ്ങുന്നതിനിടെയാണ് ആക്രമണം. ഇവരുടെ ഇടയിലേക്ക് ഒരാള്‍ കടന്നുവന്ന് ആക്രമിക്കുന്നതാണ് വീഡിയോയിലുള്ളത്. ആക്രമണത്തില്‍ മഹാഗന്ധിക്ക് […]

സംസ്ഥാനത്ത് ഇന്ധന വില കുറഞ്ഞു. ഡീസല്‍ ലിറ്ററിന് 12 രൂപ 33 പൈസയാണ് സംസ്ഥാനത്ത് കുറഞ്ഞത്. പെട്രോളിന് 6 രൂപ 57 പൈസയും കുറഞ്ഞു. തിരുവനന്തപുരത്ത് പെട്രോള്‍ വില 105 രൂപ 86 പൈസയും ഡീസല്‍ വില 93 രൂപ 52 യുമായി. കൊച്ചിയില്‍ പെട്രോള്‍ വില 103 രൂപ രൂപ 70 പൈസയും ഡീസല്‍ വില 91 രൂപ 49 പൈസയുമാണ്. കോഴിക്കോട് പെട്രോളിന് 103 രൂപ 97 പൈസയും ഡീസലിന് 92 രൂപ 57 […]

സംസ്ഥാനത്ത് ഇന്ന് അര്‍ധരാത്രി മുതല്‍ കെഎസ്ആര്‍ടിസി ബസ് പണിമുടക്കും. ശമ്പളപരിഷ്‌കരണം ആവശ്യപ്പെട്ട് 48 മണിക്കൂര്‍ പണിമുടക്കുമെന്ന്് അംഗീകൃത തൊഴിലാളി യൂണിയനുകള്‍ പ്രഖ്യാപിച്ചു. അതേ സമയം ആവശ്യം അംഗീകരിച്ചാല്‍, പ്രതിമാസം കോടിക്കണക്കിന് രൂപ അധികം കണ്ടെത്തേണ്ടിവരുമെന്ന് ഗതാഗതമന്ത്രി ആന്റണി രാജു വ്യക്തമാക്കി. പണിമുടക്ക് പ്രഖ്യാപിച്ച തൊഴിലാളി യൂണിയനുകളുമായി ഗതാഗതമന്ത്രി ആന്റണി രാജു ചര്‍ച്ച നടത്തിയിരുന്നു. എന്നാല്‍ ചര്‍ച്ച പരാജയപ്പെട്ടു. മാസ്റ്റര്‍ സ്‌കെയില്‍, പ്രാബല്യ തിയതി എന്നീ വിഷയങ്ങളില്‍ സര്‍ക്കാര്‍ വ്യക്തമായ ഒരു ഉറപ്പും നല്‍കിയില്ലെന്ന് യൂണിയനുകള്‍ പറഞ്ഞു. ഭരണപക്ഷ […]