Category: പ്രാദേശികം

വെള്ളരിക്കുണ്ട്: വെസ്റ്റ്എളേരി കൂരാംകുണ്ടിൽ റിട്ട. അധ്യാപികയെ കാണാതായതായി പരാതി. വീടിന് തൊട്ടടുത്തെ തോട്ടിൽ ഒഴുക്കിൽപ്പെട്ടതാണെന്ന് സംശയിക്കുന്നു. കൂരാംകുണ്ടിലെ രവിയുടെ ഭാര്യയും റിട്ട. അധ്യാപികയുമായ ലത (55) ആണ് കാണാതായത്. മകൻ രാജ് കൃഷ്ണ. വെള്ളരിക്കുണ്ട് പോലീസും പെരിങ്ങോം ഫയർഫോഴ്സും നാട്ടുകാരും തിരച്ചിൽ നടത്തുന്നുണ്ട്. കാഞ്ഞങ്ങാട് സബ് കളക്ടർ മേഘശ്രീ ഡി.ആർ (ഐ.എ.എസ്), ഡിവൈഎസ്പി ,പി ബാലകൃഷ്ണൻ നായർ, എന്നിവരും സംഭവസ്ഥലത്ത് എത്തി കുടുംബാംഗങ്ങളെ കണ്ട് സംസാരിച്ചു.

കാസര്‍കോട്: വെള്ളരിക്കുണ്ട് താലൂക്കില്‍ ബളാല്‍ വില്ലേജില്‍ ചുള്ളി മേഖലയില്‍ വനത്തില്‍ ഉരുള്‍പൊട്ടി. ജനവാസമേഖലയിലേക്ക് വെള്ളം കുത്തിയൊലിച്ചു വരുന്നുണ്ട്. റോഡുകള്‍ക്ക് നാശം സംഭവിച്ചിട്ടുണ്ട്. ആളപായം റിപ്പോര്‍ട്ട് ചെയ്തിട്ടില്ല. ഇരുപതോളം കുടുംബങ്ങളെ ചുള്ളി സ്‌കൂളിലേക്ക് മാറ്റാനുള്ള നടപടി സ്വീകരിച്ചിട്ടുണ്ട്. തഹസില്‍ദാര്‍, വില്ലേജ് ഓഫീസര്‍, പഞ്ചായത്ത് പ്രസിഡന്റ് എന്നിവര്‍ സ്ഥലത്തുണ്ട്.