രണ്ടായിരത്തോളം ലേണേഴ്‌സ് ലൈസന്‍സിന്റെ കാലാവധി തീരുകയും ആയിര ക്കണക്കി നാളുകള്‍ ഡ്രൈവിംഗ് ടെസ്റ്റിന് കാത്തിരിക്കുകയും ചെയ്യുന്ന സാഹചര്യത്തില്‍,
ശനിയാഴ്ച കൂടി ടെസ്റ്റ് നടത്താന്‍ മോട്ടോര്‍ വാഹന വകുപ്പ് തീരുമാനിച്ചു.
നിലവില്‍ അഞ്ചു ദിവസമാണ് ടെസ്റ്റ്.
ശനിയാഴ്ചകൂടി നടത്തുമ്പോള്‍ ആഴ്ചയില്‍ ആറു ദിവസവും ടെസ്റ്റുണ്ടായിരിക്കും.
കോവിഡ് നിയമങ്ങള്‍ പാലിക്കേണ്ടതിനാല്‍ പരിമിതമായ ആളുകള്‍ക്കാണ് ആദ്യ ഘട്ടത്തില്‍ ടെസ്റ്റ് നടത്തിയിരുന്നത്.
അവധി ദിനം വന്നാലും ശനിയാഴ്ച ടെസ്റ്റ് നടത്തണമെന്നാണ് നിര്‍ദ്ദേശം.
കോവിഡ് കാരണം മാസങ്ങളോളം ഡ്രൈവിംഗ് ടെസ്റ്റ് നടന്നിരുന്നില്ല.
ഫെബ്രുവരി 2020 മുതലുള്ള ലേണേഴ്‌സുകള്‍ക്ക് കേന്ദ്ര സര്‍ക്കാര്‍ 2021 സെപ്റ്റംബര്‍ 30 വരെ കാലാവധി നീട്ടി നല്‍കുകയായിരുന്നു.
ഇനി കാലാവധി നീട്ടി നല്‍കില്ലെന്നും നിര്‍ദേശിച്ചിട്ടുണ്ട്.
