നീലേശ്വരം: ആര്‍ എസ്‌ എസ്‌ ജന്മദിനാഘോഷത്തിന്റെ ഭാഗമായി നടത്തിയ പഥസഞ്ചലനത്തിനിടയില്‍ മടിക്കൈ, കോതോട്ട്‌പ്പാറയില്‍ ആര്‍ എസ്‌ എസ്‌ -സി പി എം സംഘര്‍ ഷം.നാലു ബൈക്കുകള്‍ തകര്‍ത്തു. ആറു സി പി എം പ്രവര്‍ത്തകര്‍ക്കെതിരെ നീലേശ്വരം പൊലീസ്‌ കേസെടുത്തു.ഇന്നലെ വൈകുന്നേരം അഞ്ചുമണിയോടെ മടിക്കൈ, കോതോട്ടുപ്പാറയിലാണ്‌ സംഭവം. പഥസഞ്ചലത്തിനു എത്തിയ മണ്ഡലം കാര്യവാഹ്‌ രഞ്‌ജിത്ത്‌ പറക്കളായി, പ്രവര്‍ ത്തകരായ രതീഷ്‌, രഞ്‌ജിത്ത്‌ എന്നിവരുടെയും വീട്ടുടമയായ സുനില്‍കുമാറിന്റെയും ബൈക്കുകളാണ്‌ തകര്‍ത്തത്‌.
