ആട് മോഷ്ടാക്കളെ പിടികൂടാനുള്ള ശ്രമത്തിനിടെ കൊല്ലപ്പെട്ട സബ് ഇന്‍പെക്ടറെ ആക്രമിച്ചത് കുട്ടികളുള്‍പ്പെട്ട സംഘം.
സംഭവത്തില്‍ നാല്‌പേര്‍ പിടിയിലായി. തമിഴ്‌നാട് തിരുച്ചിറപ്പള്ളിയിലെ പുതുക്കോട്ടയില്‍ ഞായറാഴ്ചയായിരുന്നു പട്രോളിങിന് ഇറങ്ങിയ പൊലീസ് ഉദ്യോഗസ്ഥനായ എസ് ഭൂമിനാഥനാണ് കൊല്ലപ്പെട്ടത്.
മോഷ്ടാക്കളെ പിടികൂടുന്നതിനിടെയാണ് എസ്‌ഐയെ വെട്ടിക്കൊന്നത്. പിടിയിലായ സംഘത്തില്‍ പതിനേഴും പത്തും വയസുള്ള കുട്ടികളും ഉള്‍പ്പെടുന്നു എന്നാണ് റിപ്പോര്‍ട്ട്.
നവല്‍പാട്ടു പൊലീസ് സ്റ്റേഷനില്‍ സ്‌പെഷ്യല്‍ സബ് ഇന്‍സ്‌പെക്ടറായിരുന്ന ഭൂമിനാഥന്‍ പതിവ് പട്രോളിങിന് ഇറങ്ങിയപ്പോഴായിരുന്നു ആക്രമിക്കപ്പെട്ടത്.
കന്നുകാലികളെയും ആടിനെയും മോഷ്ടിക്കുന്ന സംഘമാണ് ആക്രമണത്തിന് പിന്നില്‍ എന്നാണ് പുറത്ത് വരുന്ന വിവരം.
മോഷ്ടാക്കളടങ്ങിയ സംഘത്തെ പിടികൂടാന്‍ ശ്രമിക്കുന്നതിനിടെ ഇവര്‍ ആക്രമിക്കുകയായിരുന്നു എന്നാണ് റിപ്പോര്‍ട്ട്.
