താന് നീതിക്കും സത്യത്തിനും വേണ്ടിയുള്ള യുദ്ധത്തിലാണ് നടന് ദിലീപ്.
നടി ആക്രമിക്കപ്പെട്ട കേസിനെ കുറിച്ച് നേരിട്ട് പറയാതെയായിരുന്നു ആലുവ നഗരസഭയുടെ ശതാബ്ദി ആഘോഷങ്ങളുടെ ലോഗോ പ്രകാശനം ചെയ്തുകൊണ്ട് സംസാരിക്കവേ താരത്തിന്റെ പരാമര്ശം.
ഈ പോരാട്ടത്തില് തന്റെ നാട്ടുകാര് തന്നോടൊപ്പം ഉണ്ടാകണമെന്നും നടന് പറഞ്ഞു.
കേസില് ഗൂഢാലോചനാക്കുറ്റം ചുമത്തി പ്രതിചേര്ക്കപ്പെട്ട ദിലീപ് മൂന്നു മാസത്തോളം ആലുവ സബ് ജയിലില് കഴിഞ്ഞിരുന്നു.
ഒരു വര്ഷം നീണ്ടുനില്ക്കുന്ന ശതാബ്ദി ആഘോഷങ്ങളുടെ ഭാഗമായാണ് ചടങ്ങ് സംഘടിപ്പിച്ചത്.
ആഘോഷങ്ങളുടെ ലോഗോ പ്രകാശനവും തീം സോങ് അവതരണവും ദിലീപ് നിര്വഹിച്ചു.
നഗരസഭ ചെയര്മാന് എം.ഒ. ജോണ്, വൈസ് ചെയര്പേഴ്സന് ജെബി മേത്തര് തുടങ്ങിയവര് ചടങ്ങില് പങ്കെടുത്തു.
