ബിജെപിയില് ചേരാന് തയ്യാറാവാതിരുന്നതു കൊണ്ടാണ് തന്നെ തിഹാര് ജയിലില് അടച്ചതെന്ന് കര്ണാടകയിലെ കോണ്ഗ്രസ് അധ്യക്ഷന് ഡി കെ ശിവകുമാര്.
കള്ളപ്പണം വെളുപ്പിക്കൽ കേസിലാണ് ശിവകുമാറിനെ എൻഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തത്. 2019ല് അദ്ദേഹം 50 ദിവസം ജയിലിലായിരുന്നു.
എന്തിനാണ് ശിവകുമാര് തിഹാർ ജയിലിൽ പോയതെന്ന ബിജെപി മന്ത്രി കെ എസ് ഈശ്വരപ്പയുടെ ചോദ്യത്തിന് മറുപടിയായാണ് ശിവകുമാര് ഇങ്ങനെ പറഞ്ഞത്- “നിങ്ങളെ (ബിജെപി) പിന്തുണയ്ക്കാത്തതിനാണ് എന്നെ ജയിലിൽ അടച്ചത്.” ഇതു പറയുന്നത് തെളിവുകളുടെ അടിസ്ഥാനത്തിലാണെന്നും ശിവകുമാര് അവകാശപ്പെട്ടു.
