ചെമ്മനാട് ഗ്രാമപഞ്ചായത്തില്‍ കോവിഡ് 19 പോസിറ്റീവ് കേസുകള്‍ വര്‍ദ്ധിച്ചു വരുന്നതിനാല്‍ സമ്പൂര്‍ണ്ണ ലോക്ക് ഡൌണില്‍ എത്താനുള്ള സാധ്യതയാണ് നിലവിലുള്ളത്. ആയതിനാല്‍ 02-07-2021 തീയ്യതിയിലെ പഞ്ചായത്ത് കോര്‍ കമ്മിറ്റി തീരുമാന പ്രകാരം 04-07-2021 തീയ്യതി ഞായറാഴച പഞ്ചായത്തിൽ സമ്പൂര്‍ണ്ണ ലോക്ഡൌണ്‍ പ്രഖ്യാപിച്ചിട്ടുള്ളതാണെന്ന വിവരം പൊതു ജനങ്ങളെ അറിയിക്കുന്നു. അന്നേ ദിവസം മെഡിക്കല്‍ ഷോപ്പ് ഒഴികെയുള്ള മുഴുവന്‍ കടകളും സ്ഥാപനങ്ങളും അടച്ചിടേണ്ടതാണ്. പാല്‍ കടകള്‍ തുറക്കാതെ പുറത്ത് വെച്ച് രാവിലെ 7 മണി മുതല്‍ 9 മണി വരെ വിതരണം ചെയ്യാവുന്നതാണ്. പഞ്ചായത്തില്‍ ഡെങ്കിപ്പനിയുടെ വ്യാപനം കൂടി വരുന്നതിനാല്‍ അന്നേ ദിവസം പഞ്ചായത്തിനകത്ത് ഡ്രൈഡേ ആചരിക്കാന്‍ തീരമാനിച്ചിട്ടുണ്ട്. മുഴുവന്‍ ആളുകളും ഡ്രൈഡേയുടെ ഭാഗമായി നടക്കുന്ന ശുചീകരണ പ്രവര്‍ത്തനങ്ങളില്‍ ഭാഗമാകേണ്ടതാണെന്നും പഞ്ചായത്തുമായി സഹകരിച്ച് കോവിഡ് 19, ഡെങ്കി, മലേറിയ , മഞ്ഞ പിത്തം, എന്നീ രോഗങ്ങള്‍ പടരാതിരിക്കാനുള്ള യജ്ഞത്തില്‍ പങ്കാളികളാണവണമെന്നും അറിയിക്കുന്നു.
