കാസർകോട്:▪️കാസര്കോട് ബിജെപിയിലെ ഭിന്നത പരിഹരിച്ചെന്ന് സംസ്ഥാന നേതൃത്വം ആവര്ത്തിക്കുന്നതിനിടെ സംസ്ഥാന സെക്രട്ടറി അഡ്വ കെ ശ്രീകാന്തിനെതിരെ വീണ്ടും നഗരത്തിന്റെ വിവിധ ഭാഗങ്ങളില് ഫ്ലക്സ് ബോര്ഡുകള്.
സ്വാര്ത്ഥ താല്പര്യങ്ങള്ക്കായി ശ്രീകാന്ത് പാര്ട്ടിയെ തകര്ക്കാന് ശ്രമിക്കുന്നുവെന്നാണ് ഫ്ലകസ് ബോര്ഡിലുള്ളത്. ശ്രീകാന്തിന്റെ ഫോട്ടോ ഉള്പ്പെടുത്തിയ ഫ്ലക്സ് ബോര്ഡുകളില് ചെരുപ്പുമാലയിട്ടും പ്രവര്ത്തകര് പ്രതിഷേധം രേഖപ്പെടുത്തിയിട്ടുണ്ട്. നഗരത്തിന്റെ പല ഭാഗങ്ങളിലും മഞ്ചേശ്വരത്തും ഹൊസങ്കടിയിലും ബോര്ഡുകള് പ്രത്യക്ഷപ്പെട്ടിട്ടുണ്ട്.
