കവരത്തി: സംവിധായികയും ലക്ഷദ്വീപ് സ്വദേശിയുമായ ഐഷ സുല്ത്താനക്കെതിരെ പരാതി നല്കിയതിനെതിരെ പ്രതിഷേധിച്ച് ലക്ഷദ്വീപ് ബി.ജെ.പിയില് കൂട്ടരാജി.
ദ്വീപിലെ ബി.ജെ.പി സംസ്ഥാന സെക്രട്ടറി അബ്ദുല് ഹമീദ് അടക്കമുള്ള 12 പ്രവര്ത്തകരാണ് രാജിവെച്ചത്. ബി.ജെ.പി. മുന് പ്രസിഡന്റ് അബ്ദുല് ഹമീദ്, നിലവിലെ വൈസ് പ്രസിഡന്റ് ഉമ്മുകുല്സു, ഖാദി ബോര്ഡ് അംഗം കൂടിയായ സൈഫുല്ല ഹാജി ജാബിര് സാലിഹത്ത്, അബ്ദുള് സമദ്, അന്ഷാദ്, അബ്ദുഷുക്കൂര്, നൗഷാദ്, ചെറിയകോയ, ബാത്തിഷാ, മുഹമ്മദ് യാസീന് ആര്.എം., മുനീര് മൈദാന് തുടങ്ങിയവരാണ് രാജിക്കത്ത് നല്കിയത്.
കഴിഞ്ഞ ദിവസമാണ് ബി.ജെ.പി. ലക്ഷദ്വീപ് പ്രസിഡന്റ് സി. അബ്ദുല് ഖാദര് ഹാജിയുടെ പരാതിയുടെ അടിസ്ഥാനത്തില് ഐഷ സുല്ത്താനക്കെതിരെ കവരത്തി പൊലീസ് കേസെടുത്തത്.
