സാന്ഫ്രാന്സിസ്കോ: ട്വിറ്റര് വാങ്ങാനുള്ള 44 ബില്യണ് ഡോളറിന്റെ കരാര് അവസാനിപ്പിക്കുകയാണെന്ന് ഇലോണ് മസ്ക്. വ്യാജ അക്കൗണ്ടുകളെക്കുറിച്ചുള്ള വിവരങ്ങള് നല്കുന്നതില് സോഷ്യല് മീഡിയ കമ്പനി പരാജയപ്പെട്ടതിനാലാണ് ട്വിറ്റര് വാങ്ങാനുള്ള പദ്ധതി ഉപേക്ഷിക്കുന്നത് എന്ന് മസ്ക് അറിയിച്ചു. ഏപ്രിലില് മസ്ക് ഒരു ഓഹരിക്ക് 54.20 ഡോളര് വാഗ്ദാനം ചെയ്തിരുന്നു.ലയന കരാര് നടപ്പിലാക്കുന്നതിനായി നിയമനടപടികള് സ്വീകരിക്കാന് ബോര്ഡ് പദ്ധതിയിട്ടതായി ട്വിറ്റര് ചെയര്മാന് ബ്രെറ്റ് ടെയ്ലോ മൈക്രോ ബ്ലോഗിംഗ് പ്ലാറ്റ്ഫോമില് പറഞ്ഞിരുന്നു.
‘മിസ്റ്റര് മസ്കുമായി സമ്മതിച്ച വിലയിലും നിബന്ധനകളിലും ഇടപാട് അവസാനിപ്പിക്കാന് ട്വിറ്റര് ബോര്ഡ് പ്രതിജ്ഞാബദ്ധമാണ്’ എന്നും അദ്ദേഹം എഴുതിയിരുന്നു.വ്യാജ അക്കൗണ്ടുകളെക്കുറിച്ചുള്ള വിവരങ്ങള്ക്കായുള്ള ഒന്നിലധികം അഭ്യര്ത്ഥനകളോട് പ്രതികരിക്കാന് വിസമ്മതിച്ചതായി മസ്കിന്റെ അഭിഭാഷകര് അറിയിച്ചു.
സ്പാം ബോട്ടുകള് അക്കൗണ്ടില് കുറവാണെന്ന് സോഷ്യല് മീഡിയ കമ്പനി തെളിയിക്കുന്നത് വരെ വാങ്ങല് നിര്ത്തിവച്ചു. ഇടപാട് പൂര്ത്തിയാക്കിയില്ലെങ്കില് മസ്ക് ഒരു ബില്യണ് ഡോളര് ബ്രേക്ക്അപ്പ് ഫീസ് നല്കണമെന്നാണ് ഇടപാടിന്റെ നിബന്ധനകള്. ഉപയോക്താക്കളില് 5% ല് താഴെ മാത്രമാണ് സ്പാം, ബോട്ട് അക്കൗണ്ടുകള് എന്നതിന് കമ്പനി തെളിവ് കാണിച്ചില്ലെങ്കില് കരാര് നിര്ത്തുമെന്ന് മസ്ക് ഭീഷണിപ്പെടുത്തിയിരുന്നു
