മൂന്നാര്‍: മതത്തിന്റെ പേരില്‍ തമ്മില്‍ തല്ലുന്നവര്‍ക്കിടയില്‍ മാതൃകയാവുകയാണ് പള്ളിവാസലിലെ ‘അള്ളാകോവില്‍’ മുസ്ലിം സൂഫിവര്യന്റെ പേരിലുള്ള ആരാധനാലയം.
കാളിയമ്മന്‍ ക്ഷേത്രത്തിലെ ഉത്സവത്തിനൊപ്പമാണ് ഈ ആരാധനാലയത്തിലും ഉത്സവം നടക്കുന്നത്.
അത് നടത്തുന്നതാകട്ടെ ഇവിടുത്തെ ഹൈന്ദവരും.
ഉത്സവത്തിലെ പ്രധാന ആഘോഷം നടക്കുന്നത് ആകട്ടെ ക്രിസ്തുമസ് ദിനത്തിലുമാണ്.
ഈ ദിനത്തില്‍ ജാതിഭേദ മത വിത്യാസമില്ലാതെയാണ് ജനങ്ങള്‍ എത്തുന്നത്.
കൊച്ചി-ധനുഷ്‌കോടി ദേശീയപാതയോരത്തുള്ള ആരാധനാലയം മുസ്ലിം സൂഫിവര്യനായ പീര്‍ മുഹമ്മദിന്റെ കബറിടമെന്നാണ് വിശ്വാസം. കാളിയമ്മന്‍ ക്ഷേത്രത്തിന് സമീപമാണിത്.
ക്ഷേത്രഭാരവാഹികളാണ് മേല്‍നോട്ടം. നൂറ്റാണ്ടുകളായി ഈ കബറിടം സൂക്ഷിക്കുന്നതും ദിവസവും വിളക്ക് തെളിക്കുന്നതും ഹൈന്ദവരാണ്.
