ഓടിക്കാത്ത കാറില് ഹെല്മറ്റ് വയ്ക്കാതെ സഞ്ചരിച്ചതിന് മോട്ടോര്വാഹന വകുപ്പിന്റെ അഞ്ഞൂറുരൂപ പിഴ. തിരുവനന്തപുരം വെഞ്ഞാറമൂട് മൂക്കുന്നൂര് സ്വദേശി എ. അജിത്കുമാറിനാണ് വിചിത്രമായ പിഴനോട്ടിസ് കിട്ടിയത്. കാറിന്റെ റജിസ്ട്രേഷന് നമ്പരിലെ വിലാസത്തിലാണ് മോട്ടോര് വാഹനവകുപ്പിന്റെ നോട്ടിസ് ലഭിച്ചത്.
ഗതാഗത നിയമ ലംഘനത്തിന് മോട്ടോര്വാഹന വകുപ്പ് നല്കിയ നോട്ടിസില് വാഹനം കൃത്യമായി പറയുന്നുണ്ട്. മോട്ടോര് കാര് . അഞ്ഞൂറുരൂപ പിഴയ്ക്ക് കാരണം പറഞ്ഞിരിക്കുന്നത് ഹെല്മറ്റ് ധരിക്കാത്തതിനാല് .ഈ നോട്ടിസ് കണ്ട് അന്തംവിട്ടിരിക്കുകയാണ് അജിത് കുമാര്.
നോട്ടിസിലെ വാഹന റജിസ്ട്രേഷന് നമ്പരും വിലാസവും അജിത്തിന്റേത്. പതിപ്പിച്ച ചിത്രമാകട്ടെ വേറെ റജിസ്ട്രേഷന് നമ്പരുള്ള ബൈക്കിന്റേതും. ഇതെങ്ങനെ സംഭവിച്ചുവെന്നാണ് മനസിലാകാത്ത് മോട്ടോര്വാഹന വകുപ്പിന് പരാതി നല്കാനൊരുങ്ങുകയാണ് അജിത്
