മുംബൈ: പ്രശസ്ത ഗായകൻ അർജിത് സിങ്ങിെൻറ മാതാവ് അതിഥി സിങ് (52) അന്തരിച്ചു. സെറിബ്രൽ സ്ട്രോക്കിനെ തുടർന്ന് കൊൽക്കത്തയിലെ ധാകൂരിയയിലുള്ള സ്വകാര്യ ആശുപത്രിയിൽ വെച്ചായിരുന്നു അന്ത്യം. കോവിഡ് സ്ഥിരീകരിച്ച് ഗുരുതരാവസ്ഥയിലായ അതിഥി സിങ്ങിനെ കഴിഞ്ഞ മാസമായിരുന്നു ആശുപത്രിയിൽ പ്രവേശിപ്പിച്ചത്. ദിവസങ്ങൾക്ക് മുൻപ് കോവിഡ് നെഗറ്റീവായിരുന്നെങ്കിലും സ്ട്രോക്കിനെ തുടർന്നുള്ള സങ്കീർണതകൾ കാരണം ആശുപത്രിയിൽ തന്നെ തുടരുകയായിരുന്നു. ഇന്നലെ രാത്രി 11 മണിക്കാണ് മരണം സംഭവിച്ചത്.
