കാസർകോട്: എസ് എസ് എഫ് 29 മത് കാസർകോട് ജില്ല സാഹിത്യോത്സവിൻ്റെ ഭാഗമായി സംഘടിപ്പിക്കുന്ന സാംസ്കാരിക സംഗമം ശനിയാഴ്ച വൈകുന്നേരം 8 മണിക്ക് സാഹിത്യോത്സവ് നഗരിയിൽ നടക്കും.
മഹാകവി പി കുഞ്ഞിരാമൻ നായരുടെ സൗഹൃദത്തിൻ്റെ സാംസ്കാരിക സന്ദേശം എന്ന വിഷയത്തെ ആസ്പദമാക്കി നടക്കുന്ന സംഗമത്തിൽ പ്രശസ്ത കവി കല്പറ്റ നാരായണൻ, സാഹിത്യ വേദി ജില്ലാ പ്രസിഡൻ്റ് പത്മനാഭൻ ബ്ലാത്തൂർ അതിഥികളായി സംബന്ധിക്കും.രിസാല എഡിറ്റർ മുഹമ്മദലി കിനാലൂർ മോഡറേറ്ററാവും.സപ്ത ഭാഷ സംഗമഭൂമിയിലെ സൗഹൃദത്തിൻ്റെ സൗന്ദര്യം വരച്ച് കാട്ടിയ പി.കുഞ്ഞിരാമൻ നായരുടെ കൃതികളും ജീവിതവും സംഗമത്തിൽ ചർച്ചയാകും.
സാഹിത്യോത്സവിന് വെള്ളിയാഴ്ച പതാക ഉയർത്തലോടെ തുടക്കം കുറിക്കും. 9 ഡിവിഷനുകളിൽ നിന്ന് പ്രതിഭാത്വം തെളീച്ച പ്രതിഭകളാണ് ജില്ലാ സാഹിത്യോത്സവിൽ മാറ്റുരക്കുന്നത്.
