Tag: Kumbla grama panchayath

കുമ്പള: ഗ്രാമപഞ്ചായത്ത് മുൻ സ്ഥിരം സമിതി അധ്യക്ഷനെ അയോഗ്യനാക്കി തെരഞ്ഞെടുപ്പ് കമീഷൻ ഉത്തരവ്. 2021-26 കാലയളവിലേക്ക് പഞ്ചായത്തിലേക്ക് പതിനാലാം വാർഡിൽ നിന്നും തെരഞ്ഞെടുക്കപ്പെട്ട കൊഗ്ഗുവിനെയാണ് സംസ്ഥാന തെരഞ്ഞെടുപ്പ് കമീഷൻ അയോഗ്യനാക്കിയത്. ബി.എം.എസ് പ്രവർത്തകൻ വിനുവിന്റെ കൊലപാതകവുമായി ബന്ധപ്പെട്ട് തടവുശിക്ഷ അനുഭവിച്ചുവരുകയാണ് കൊഗ്ഗു. ശിക്ഷ കാലാവധിയായ നാലു വർഷം പൂർത്തിയാക്കിയതിനുശേഷം ആറു കൊല്ലത്തേക്കുകൂടി അയോഗ്യത ബാധകമായിരിക്കും. കഴിഞ്ഞ ത്രിതല പഞ്ചായത്ത് തെരഞ്ഞെടുപ്പിൽ സി.പി.എം ടിക്കറ്റിൽ മത്സരിച്ചുജയിച്ച ഇയാൾ ബി.ജെ.പിയുടെ സഹായത്തോടെ സ്ഥിരം സമിതി അധ്യക്ഷനായത് വിവാദമായിരുന്നു. പിന്നീട് കേസിൽ […]

2021 22 വാർഷിക പദ്ധതിയിൽ ഉൾപ്പെടുത്തി കൊണ്ട് നിർമ്മിച്ച കുമ്പള ഗ്രാമ പഞ്ചായത്ത് ഗോപാലകൃഷ്ണ ക്രോസ് റോഡ് പഞ്ചായത്ത് പ്രസിഡണ്ട് യു പി താഹിറാ യൂസഫ് നാടിനു സമർപ്പിച്ചു. ബ്ലോക്ക് പഞ്ചായത്ത് മെമ്പർ പ്രേമ ഷെട്ടി പഞ്ചായത്ത് മെമ്പർമാരായ പ്രേമലത വിദ്യാ പൈ സുലോചന പുഷ്പലതഷെട്ടി എന്നിവർ പങ്കെടുത്തു.

കുമ്പള ഗ്രാമ പഞ്ചായത്ത് ക്ഷേമ കാര്യ സ്ഥിരം സമിതി അധ്യക്ഷ പദവി സി.പി.എം അംഗം കൊഗ്ഗു രാജി വെച്ചു. ഉച്ച തിരിഞ്ഞ് മൂന്നോടെയാണ് രാജിക്കത്ത് നൽകിയത്. സ്ഥിരം സമിതി അധ്യക്ഷ പദവി സി.പി.എം – ബി.ജെ.പി പരസ്പരം പങ്കിട്ടെടുത്തതിൽ വലിയ വിവാദമാവുകയും ഇത് ബി.ജെ.പിക്കകത്ത് വലിയ പൊട്ടിത്തെറിയുണ്ടായതോടെയാണ് രാജി. അതേ സമയം ബി.ജെ.പി ചെയർമാൻമാരും രണ്ട് ദിവസത്തിനകം രാജിവെക്കുമെന്നാണ് അറിയുന്നത്.