ഒമാനിൽ വിദേശികളുടെ തൊഴിൽ പെർമിറ്റ് ഫീസ് വർധിപ്പിച്ചു
മസ്‌കറ്റ്: ഒമാനില്‍ വിദേശികളായ തൊഴിലാളികളുടെ തൊഴില്‍ പെര്‍മിറ്റ് ഫീസില്‍ വര്‍ധവ് വരുത്തിയതായി തൊഴില്‍ മന്ത്രാലയം അറിയിച്ചു. ഉയര്‍ന്നതതും ഇടത്തരവുമായ തസ്തികകളിലും ടെക്നിക്കല്‍ ആന്‍ഡ് സ്പെഷ്യലൈസ്ഡ് പ്രൊഫഷന്‍സ് എന്നിവയ്ക്കാണ് പുതുക്കിയ ഫീസ് നിശ്ചയിച്ചത്. സ്വകാര്യ മേഖലയില്‍ സ്വദേശി പൗരന്മാര്‍ക്ക് കൂടുതല്‍ ജോലി ലഭ്യമാക്കുന്നതിനാണ് തീരുമാനമെന്നും മന്ത്രാലയം പുറത്തിറക്കിയ പ്രസ്താവനയില്‍ പറയുന്നു. പുതുതായി നല്‍കുന്ന അപേക്ഷകര്‍ക്കും, ഈ തീരുമാനം നടപ്പിലാക്കുന്ന തീയതിക്ക് മുമ്പായി തൊഴിലുടമകള്‍ ഫീസ് അടച്ചിട്ടില്ലെങ്കില്‍ നിലവില്‍ നല്‍കിയ അപേക്ഷകര്‍ക്കും തീരുമാനം ബാധകമായിരിക്കുമെന്നും തൊഴില്‍ മന്ത്രാലയം പ്രസ്താവനയില്‍ വ്യക്തമാക്കിയിട്ടുണ്ട്.
Continue Reading