കാസര്ഗോഡ്: കെ. സുരേന്ദ്രനെതിരെ മത്സരിക്കുന്നതില് നിന്ന് പിന്മാറുന്നതിനായി ബി.ജെ.പി. നല്കിയ രണ്ടര ലക്ഷം രൂപയില് ഒരു ലക്ഷം സുഹൃത്തിന് നല്കിയെന്ന് കെ. സുന്ദര. ബാങ്കില് നിക്ഷേപിച്ച ഈ പണം കണ്ടെത്തുന്നതിനായി അന്വേഷണ സംഘം ബാങ്ക് രേഖകള് പരിശോധിച്ചു.
രണ്ടര ലക്ഷം രൂപയാണ് ബി.ജെ.പി. നല്കിയതെന്നും ഒന്നര ലക്ഷം രൂപയാണ് ചെലവായി പോയെന്നും സുന്ദര നേരത്തെ അന്വേഷണ സംഘത്തോട് പറഞ്ഞിരുന്നു.
അതേസമയം, കെ. സുന്ദരയ്ക്ക് ബി.ജെ.പി. നല്കിയ ഫോണ് കഴിഞ്ഞ ദിവസം പൊലീസ് കണ്ടെടുത്തിരുന്നു. തുടര്ന്ന് മൊബൈല് ഷോപ്പിലെ സി.സി.ടി.വി. ദൃശ്യങ്ങള് പരിശോധിച്ച് ഫോണ് വാങ്ങിയ ബി.ജെ.പി. പ്രവര്ത്തകനെ പൊലീസ് തിരിച്ചറിഞ്ഞു.
