രാജ്യം മുഴുവനും ഒരു വലിയ ദുരന്തത്തിന്റെ ഞെട്ടലിലാണ്.
കുനൂരിലുണ്ടായ ഹെലികോപ്ടര് അപകടം അത്രമേല് രാജ്യത്തെ തളര്ത്തിക്കളഞ്ഞു. കേരളത്തെ സംബന്ധിച്ചിടത്തോളം ആ ദുഃഖത്തിന് ആഴമേറും.
ദുരന്തത്തില് മരിച്ച വ്യോമസേന അസിസ്റ്റന്റ് വാറണ്ട് ഓഫീസർ പ്രദീപ് അറയ്ക്കൽ തൃശൂര് പൊന്നൂക്കര സ്വദേശിയാണ്. പ്രദീപിന്റെ അപ്രതീക്ഷിത വിയോഗത്തില് തേങ്ങുകയാണ് നാട്.
ഒരു പ്രധാനപ്പെട്ട ഡ്യൂട്ടി ഉണ്ടെന്ന് പറഞ്ഞ് വിളിച്ച പ്രദീപിന്റെ അവസാന ഫോണ് കോളിനെക്കുറിച്ച് ഓര്ക്കുകയാണ് കുടുംബം.പൊന്നൂക്കര മൈമ്പുള്ളി ക്ഷേത്രത്തിന് സമീപം അറക്കല് വീട്ടില് രാധാക്യഷ്ണന്റെ മൂത്ത മകനാണ് പ്രദീപ് (37).
പ്രദീപിന്റെ മരണവാര്ത്ത അറിഞ്ഞ് സഹോദരന് പ്രസാദ് കോയമ്പത്തൂരിലെക്ക് തിരിച്ചിട്ടുണ്ട്. കോയമ്പത്തൂരിലെ ക്വാര്ട്ടേഴ്സിലാണ് പ്രദീപും കുടുംബവും താമസിച്ചിരുന്നത്.
ശ്രീലക്ഷ്മിയാണ് പ്രദീപിന്റെ ഭാര്യ, മക്കള്- ദക്ഷന് ദേവ് (5),ദേവപ്രയാഗ് (2).
