ദക്ഷിണ കൊറിയന് സിനിമ കാണുകയും വില്ക്കുകയും ചെയ്ത രണ്ട് ആണ്കുട്ടികളെ വെടിവച്ച് കൊന്ന് ഉത്തരകൊറിയ. 16 ഉം 17 ഉം വയസ്സുള്ള കൗമാരക്കാരെയാണ് ഉത്തര കൊറിയയിലെ ഫയറിംഗ് സ്ക്വാഡ് വെടിവച്ച് കൊന്നത്. ചൈനീസ് അതിര്ത്തിയോട് ചേര്ന്ന് റിയാങ്ഗാങ് പ്രവിശ്യയിലെ സ്കൂളില് പഠിച്ചിരുന്ന കുട്ടികള് കഴിഞ്ഞ ഒക്ടോബറിലാണ് കൊല്ലപ്പെട്ടത്. പൊതുജന മധ്യത്തില് അധകൃതര് വെടിവച്ച് ശിക്ഷ നടപ്പിലാക്കുകയായിരുന്നു എന്നാണ് റിപ്പോര്ട്ട്.
ദക്ഷിണ കൊറിയന് സിനിമകള്ക്ക് നിരോധനമുള്ള രാജ്യത്ത് നിയമം ലംഘിക്കുന്നവര്ക്കെതിരെ കര്ശന നടപടിയാണ് ഭരണകൂടം സ്വീകരിക്കുന്നത്. ദക്ഷിണ കൊറിയന് സിനിമകള്ക്കും പാട്ടുകള്ക്കും ഷോകള്ക്കും വര്ധിച്ചു വരുന്ന ജനപ്രീതിയാണ് 2020 ല് കിം ഭരണകൂടം നിരോധനമേര്പ്പെടുത്താനുള്ള കാരണം.
കടുത്ത മനുഷ്യാവകാശ ലംഘനങ്ങള് തുടര്കഥയാകുന്ന രാജ്യത്തു നിന്ന് നടുക്കുന്ന വാര്ത്തകളാണ് പുറത്തു വരാറുള്ളത്.നേരത്തെ, ജനിക്കുന്ന കുട്ടികള്ക്ക് ബോംബ്, ഗണ്, സാറ്റലൈറ്റ് തുടങ്ങിയ പേരുകളിടണമെന്ന നിര്ദേശം ഭരണകൂടം ജനങ്ങള്ക്ക് നല്കിയെന്ന റിപ്പോര്ട്ടും പുറത്തു വന്നിരുന്നു
