സംസ്ഥാനത്ത് മിക്കജില്ലകളിലും പരക്കെ മഴ തുടരുമ്പഴും കാലവര്ഷം കേരളത്തില് ഗണ്യമായി കുറഞ്ഞതായി കാലാവസ്ഥാ വകുപ്പിന്റെ കണക്കുകള്. മണ്സൂണ് തുടങ്ങി ഇതുവരെ കേരളത്തില് 30 ശതമാനം മഴയുടെ കുറവാണ് രേഖപ്പെടുകത്തിയിരിക്കുന്നത്. ഇടുക്കിയാണ് ഏറ്റവും മഴകുറവ് രേഖപ്പെടുത്തിയ ജില്ല.ജൂണ് ഒന്നാം തീയതി മുതലുള്ള കണക്കനുസരിച്ച് കാസര്കോട് മാത്രമാണ് സാമാന്യം ഭേദപ്പെട്ട മഴകിട്ടിയത്.
മറ്റ് എല്ലാ ജില്ലകളിലും മഴയുടെ കുറവ് ഉണ്ടായിട്ടുണ്ട്. ഇടുക്കിയില് 45, പാലക്കാട് 40 പത്തനംതിട്ട 39 ശതമാനം വീതം മഴ കുറഞ്ഞു. ജൂണ്മാസത്തില് സാധാരണ കാലവര്ഷം തകര്ത്തു പെയ്യേണ്ടതാണ്. മഴ തുടങ്ങി ആദ്യ മാസം തന്നെ മഴയുടെ ശക്തി കുറഞ്ഞതായാണ് കണക്കുകള്കാണിക്കുന്നത്. 820 മീല്ലീ മീറ്റര് മഴ കിട്ടേണ്ടിടത്ത് 518 മില്ലീ മീറ്ററാണ് ഇതുവരെ ലഭിച്ച മഴ.
അതേസമയം ഈ മാസം കുറച്ചു കൂടി വ്യാപകമായി മഴകിട്ടുമെന്നാണ് കാലാവസ്ഥാ പ്രവചനം. ജൂലൈ മാസത്തിലെ ആദ്യ ഏഴുദിവസം തിരുവനന്തപുരം , കൊല്ലം, കാസര്കോട് ജില്ലകളില് നന്നായി മഴ ലഭിച്ചു. വരുന്ന ആഴ്ചയും സംസ്ഥാനത്ത് പരക്കെ മഴകിട്ടും.വടക്കന്ജില്ലകളിലാവും കൂടുതല് ശക്തമായ മഴ ലഭിക്കുക എന്നാണ് കാലാവസ്ഥാ വകുപ്പ് പറയുന്നത്. ജൂലൈ 15 ന്ശേഷം മഴയുടെ ശക്തി കുറയാനും ഇടയുണ്ട്.
അതേസമയം ബംഗാള് ഉള്ക്കടലില് ന്യൂനമര്ദം രൂപപ്പെടുകയാണെങ്കില് മണ്സൂൺ കൂടുതൽ സജീവമാകാനും സാധ്യതയുണ്ട്. കേരളതീരത്ത് കടല്പ്രക്ഷുബ്ധമാണ്, കടലേറ്റവും രൂക്ഷമാണ്. ഇതു തുടരാനും ഇടയുണ്ട്.
