തിരുവനന്തപുരം: കേന്ദ്രസർക്കാരിന്റെ പി.എം ശ്രീ പദ്ധതിയില് ഒപ്പിട്ടതോടെ കേരളത്തിലെ സ്കൂളുകളില്‍ അടിസ്ഥാന സൗകര്യം മെച്ചപ്പെടുത്താൻ 1466 കോടി രൂപ ലഭിക്കും.
സംസ്ഥാനത്തെ എല്ലാ ബ്ലോക്കിലും രണ്ടു സ്കൂളുകളായിരിക്കും കേന്ദ്ര പദ്ധതിക്ക് കീഴില്‍ വരിക. പണം നല്‍കുന്നതിന് പകരമായി ദേശീയ വിദ്യാഭ്യാസ നയം കേരളത്തില്‍ അതേപടി നടപ്പാക്കേണ്ടി വരുമെന്നതാണ് പി.എം ശ്രീ പദ്ധതിയോടുള്ള എതിർപ്പിന് പ്രധാന കാരണം.
പ്രധാനമന്ത്രി സ്കൂള് ഫോർ റൈസിംഗ് ഇന്ത്യ എന്നതിന്റെ ചുരുക്കപ്പേരാണ് പി.എം. ശ്രീ. പേര് സൂചിപ്പിക്കും പോലെ ഈ പദ്ധതി നടപ്പാക്കിയ സ്കൂളുകളില്‍ കേന്ദ്രസർക്കാരിന്റെ നയവും സിലബസും സ്വീകരിക്കേണ്ടി വരും.
സ്വാതന്ത്ര്യ സമര കാലഘട്ടത്തിലേതടക്കം ആർ.എസ്.എസ് അനുകൂല പരാമർശങ്ങളുള്ള ദേശീയ സിലബസ് ഇത്രയും കാലം കേരളത്തില്‍ നടപ്പാക്കാതെ പകരം ബദല്‍ സിലബസാണ് സ്കൂളുകളില്‍ പഠിപ്പിച്ചിരുന്നത്.
എന്നാല്‍ പദ്ധതിയുടെ ഭാഗമായി തിരഞ്ഞെടുക്കുന്ന സ്കൂളുകളില്‍ കേന്ദ്ര വിദ്യാഭ്യാസ നയവും കേന്ദ്രസിലബസും നടപ്പാക്കിയേ പറ്റൂ. ദേശീയ വിദ്യാഭ്യാസ നയത്തിന്റെ പുരോഗതിയും പി.എം-ശ്രീ സ്കൂള് എന്ന ബോർഡും പ്രധാനമന്ത്രിയുടെ ചിത്രവും സ്കൂളുകളില്‍ പ്രദർശിപ്പിക്കണം.
രാജ്യത്ത് നിലവില്‍ 13,070 സ്കൂളുകളുകള്‍ പിഎം ശ്രീയുടെ ഭാഗമായികഴിഞ്ഞു. കേരളം, തമിഴ്‌നാട്, ബംഗാള്‍ എന്നീ സംസ്ഥാനങ്ങള്‍ ഒഴികെ സംസ്ഥാനങ്ങളും കേന്ദ്രഭരണപ്രദേശങ്ങളും പദ്ധതിയില് ഒപ്പുവെച്ചു.
അഞ്ചുവർഷത്തേക്ക് 27,360 കോടി രൂപ ചെലവ് വരുന്ന പദ്ധതിയില് 18,128 കോടി കേന്ദ്രവിഹിതവും 9,232 കോടി സംസ്ഥാനങ്ങളുടെ വിഹിതവുമാണ്.
നിലവില്‍ കേരളത്തിലെയും കേന്ദ്രീയ വിദ്യാലയങ്ങള്‍, നവോദയ വിദ്യാലയങ്ങളടക്കം രാജ്യത്തെ 12,079 സ്കൂളുകളില്‍ പദ്ധതിയുണ്ട്.
കേടുപാടുകളിലാത്ത സ്കൂള് കെട്ടിടം, തകരാറില്ലാത്ത പ്രവേശന റാമ്ബുകള്‍, ആണ്‍കുട്ടികള്‍ക്കും പെണ്‍കുട്ടികള്‍ക്കും കുറഞ്ഞത് ഒരു ടോയ്ലെറ്റ് വീതം തുടങ്ങിയ സൗകര്യങ്ങളുള്ള സ്കൂളുകള്‍ക്ക് ഓണ്‍ലൈനായി അപേക്ഷിക്കാം.
കേരളത്തില്‍ 336 സ്കൂളുകള്‍ക്ക് സഹായം ലഭിക്കും. പദ്ധതിയില് കേരളം ഒപ്പുവെക്കാതെ കേന്ദ്രവിഹിതമായി സംസ്ഥാനത്തിന് കിട്ടേണ്ട 1500.27 കോടി നല്‍കില്ലെന്ന് ഈ മെയ് മാസം കേന്ദ്രമന്ത്രി ധർമേന്ദ്ര പ്രധാൻ വ്യക്തമാക്കിയിരുന്നു. രാവിലെ ഒപ്പ് വെച്ചാല്‍ വൈകീട്ട് ഫണ്ട് എന്നായിരുന്നു അദ്ദേഹത്തിന്റെ നിലപാട്.
പി.എം. ശ്രീയില്‍ ഒപ്പുവച്ചതോടെ സ്‌കൂളിനു മുന്നില്‍ ‘പിഎം ശ്രീ സ്കൂള്’ എന്ന ബോർഡ് സ്ഥാപിക്കണം. എൻസിഇആർടി സിലബസ് നടപ്പിലാക്കേണ്ടിവരും. പിഎം ശ്രീയില്‍ അക്കാദമിക നിരീക്ഷണത്തിന് വിദ്യാസമീക്ഷാകേന്ദ്രം ഉണ്ടാവും.
ഭാവിയില്‍ സ്കൂള് നടത്തിപ്പിന് സ്വകാര്യ പങ്കാളിത്തം വരും. ആർഎസ്‌എസ് സങ്കല്‍പത്തിലുള്ള ദേശീയതാ സങ്കല്‍പങ്ങള്‍ അടിച്ചേല്‍പ്പിക്കും, കേന്ദ്രനയം നടപ്പാക്കും, പാഠപദ്ധതിയിലൂടെ ഹിന്ദുത്വ ആശയങ്ങള്‍ പ്രചരിപ്പിക്കും, സംസ്ഥാനങ്ങളുടെ അധികാരവും നയരൂപീകരണവും നഷ്ടമാവും, പിഎം സ്കൂളുകളില്‍ സംസ്ഥാനത്തിന്റെ നിയന്ത്രണം പേരിലൊതുങ്ങും എന്നൊക്കെയാണ് ആരോപണങ്ങള്‍.
5+3+3+4 വിദ്യാഭ്യാസ ഘടന പിഎംശ്രീ സ്കൂളില്‍ വേണം. ആദ്യഘട്ടം പ്രീസ്ക്യൂള്‍ മുതല്‍ എല്‍കെജി, യുകെജി രണ്ടുവരെ,- രണ്ടാംഘട്ടം മൂന്ന്, നാല്, അഞ്ച് ക്ലാസുകള്‍,- ആറ്, ഏഴ്, എട്ട് മൂന്നാംഘട്ടം, ഒൻപതു മുതല്‍ 12 വരെ നാലാംഘട്ടം എന്ന ഈ ഘടന കേരളം അംഗീകരിച്ചിട്ടില്ല.
കേന്ദ്ര സഹായം കുട്ടികള്‍ക്ക് നിഷേധിക്കേണ്ടതില്ലെന്ന നിലപാടിന്റെ അടിസ്ഥാനത്തിലാണ് പി.എം ശ്രീ പദ്ധതിയില് കേരളം ഒപ്പിട്ടതെന്നാണ് സർക്കാർ പറയുന്നത്.
കേന്ദ്ര സർക്കാർ ഫണ്ട് എല്ലാവർക്കും അവകാശപ്പെട്ടതാണ്. വെറുതെ 1466 കോടി രൂപ കളയേണ്ട കാര്യമില്ല. കേരളത്തിന്റെ വിദ്യാഭ്യാസ നയത്തില്‍ മാറ്റമില്ല. പി.എം. ശ്രീയില്‍ ചേർന്നാല്‍ ദേശീയ വിദ്യാഭ്യാസ നയം അതേപടി സംസ്ഥാനത്ത് നടപ്പാക്കേണ്ടി വരുമെന്നായിരുന്നു മന്ത്രിസഭാ യോഗത്തില്‍ റവന്യൂ മന്ത്രി കെ.രാജൻ ചൂണ്ടിക്കാട്ടിയത്.
മന്ത്രിസഭാ യോഗത്തിലോ ഇടതു മുന്നണിയിലോ ചർച്ച ചെയ്യാതെ വിദ്യാഭ്യാസമന്ത്രി ഏകപക്ഷീയമായി അഭിപ്രായങ്ങള്‍ പറയുന്നത് ശരിയല്ലെന്നും സിപിഐ മന്ത്രിമാർ വ്യക്തമാക്കിയിരുന്നു. ഇത് അവഗണിച്ചാണ് ഇന്നലെ രഹ
സ്യമായി പദ്ധതിയില് ഒപ്പിട്ടത്.
