തൃശൂരിൽ സ്ത്രീധന പീഡനത്തെ തുടർന്ന് യുവതി മരിച്ച നിലയിൽ. പരിഞ്ഞനം കൊറ്റംകുളം സ്വദേശി അഫ്സാനയാണ് മരിച്ചത്.
ഭർത്താവ് അമലിനെ പൊലീസ് അറസ്റ്റ് ചെയ്തു.ഒന്നരവർഷം മുമ്പാണ് അഫ്സാനയും അമലും തമ്മിലുള്ള വിവാഹം കഴിഞ്ഞത്.
വിവാഹത്തിന് ശേഷം ഇരുവരും ഫ്ളാറ്റിലായിരുന്നു താമസിച്ചിരുന്നത്. ആ സമയത്ത് പെൺകുട്ടിക്ക് സ്ത്രീധന പീഡനം നേരിടേണ്ടി വന്നെന്നാണ് വിവരം. ഇതിനെ തുടർന്ന് പെൺകുട്ടി സ്വന്തം വീട്ടിലേക്ക് മടങ്ങിവന്നിരുന്നു.
ബന്ധുക്കൾ തമ്മിൽ സംസാരിച്ച് പ്രശ്നങ്ങൾ പരിഹരിക്കാമെന്ന് പറഞ്ഞതിനെ തുടർന്ന് പെൺകുട്ടി വീണ്ടും ഫ്ളാറ്റിലേക്ക് മടങ്ങിപ്പോയിരുന്നു. പിന്നീടായിരുന്ന മരിച്ച നിലയിൽ കണ്ടെത്തിയത്.
