കാസർകോട് ∙ 12.5 ഗ്രാം എംഡിഎംഎ ലഹരിമരുന്നുമായി ഒട്ടേറെ കേസുകളിലെ പ്രതിയായ യുവാവിനെ പൊലീസ് അറസ്റ്റ് ചെയ്തു. തളങ്കര ചെമ്മനാട് കോംപൗണ്ടിലെ സുലൈമാൻ റിഫായി (27) നെയാണ് എസ്ഐ ഷെയ്ഖ് അബ്ദുൽറസാഖിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.
കൊലപാതക ശ്രമം ഉൾപ്പെടെ വിവിധ സ്റ്റേഷനുകളിൽ പത്തിലേറെ കേസുകളിലെ പ്രതിയായ സുലൈമാനെ കാപ്പ ചുമത്തിയിരുന്നു. ഇതിൽ വാറന്റ് ഉണ്ടായിരുന്നു. ഇതിന്റെ നോട്ടിസ് നൽകാനായി പൊലീസ് തളങ്കരയിൽ പോയപ്പോൾ പ്രതി ഓടി പോവുകയായിരുന്നു. പിന്നീട് പൊലീസ് പിൻതുടർന്നാണു പിടികൂടിയത്.പാന്റ്സിന്റെ പോക്കറ്റിൽ സൂക്ഷിച്ച നിലയിലായിരുന്നു എംഡിഎഎ ഉണ്ടായിരുന്നത്. പ്രതിയെ ഇന്നു കോടതിയിൽ ഹാജരാക്കുമെന്നു പൊലീസ് അറിയിച്ചു.
