ഓടോറിക്ഷയും ലോറിയും കൂട്ടിയിടിച്ച് യുവാവ് മരിച്ചു. പിതാവിന് ഗുരുതര പരിക്കേറ്റു. അണങ്കൂർ ടിപ്പു നഗറിലെ ആമിർ (25) ആണ് മരിച്ചത്. പിതാവ് മുഹമ്മദിനെ മംഗ്ളൂറു ആശുപത്രിയിലേക്ക് മാറ്റി. ശനിയാഴ്ച പുലർചെ ആറ് മണിയോടെ ഉദുമ പള്ളത്താണ് അപകടം സംഭവിച്ചത്.
കാഞ്ഞങ്ങാട് നിന്ന് പച്ചക്കറികൾ ശേഖരിച്ച് കാസർകോട് വിതരണം ചെയ്യുന്ന ജോലിയായിരുന്നു മുഹമ്മദിനും മകനും. പതിവുപോലെ പച്ചക്കറികൾ ശേഖരിക്കാൻ പോവുന്നതിനിടെയാണ് അപകടം സംഭവിച്ചത്. ഇവർ സഞ്ചരിച്ച ഓടറിക്ഷയുടെ പിന്നിലേക്ക് ലോറി ഇടിക്കുകയായിരുന്നുവെന്നാണ് വിവരം.മൃ തദേഹം പോസ്റ്റ് മോർടത്തിനായി കാസർകോട് ജനറൽ ആശുപത്രിയിലേക്ക് മാറ്റി.
ത്വാഹിറയാണ് ആമിറിന്റെ മാതാവ്.
സഹോദരങ്ങൾ: ഹാശിർ, റസ്മിയ, സഅദിയ, തഹസിയ.
