Category: കേരളം

കാസറഗോഡ് : കാംപസ് ഫ്രണ്ട് സ്ഥാപക ദിനത്തോട് അനുബന്ധിച്ച് ” സാമൂഹ്യ നീതി , വിദ്യാർഥി ദൗത്യം എന്ന മുദ്രാവാക്യമുയർത്തി ജില്ലയിലെ വിവിധ ഏരിയ – യൂണിറ്റ് തലങ്ങളിൽ പതാക ഉയർത്തി.കാംപസ് ഫ്രണ്ട് കാസറഗോഡ് ജില്ലാ കമ്മിറ്റിക്ക് കീഴിൽ നായമ്മാർമൂലയിൽ ജില്ലാ പ്രസിഡന്റ് ഷാനിഫ് മൊഗ്രാൽ പതാക ഉയർത്തി.

യുവാവിനെ ആളൊഴിഞ്ഞ കെട്ടിടത്തിനുള്ളില്‍ മരിച്ച നിലയില്‍ കണ്ടെത്തി. വര്‍ഷങ്ങളായി പാലക്കുന്നിലും പരിസരങ്ങളിലും തേങ്ങയിടുന്ന ജോലി ചെയ്തിരുന്ന അസീസിനെയാണ് (46) കോട്ടിക്കുളം റെയില്‍വെ സ്റ്റേഷന് സമീപത്തെ ഒഴിഞ്ഞ പമ്പ് ഹൗസില്‍ മരിച്ച നിലയില്‍ കണ്ടെത്തിയത്. അഴുകിയ നിലയിലായിരുന്നു മൃതദേഹം. വര്‍ഷങ്ങളായി വീട്ടുകാരുമായി ബന്ധമൊന്നും ഇല്ലാതെ കഴിയുകയായിരുന്നു. വെള്ളിക്കോത്തെ അലവിയുടെയും നഫീസയുടെയും മകനാണ്.

കോവിഡ് വാക്‌സിൻ പൂർണമായും സ്വീകരിച്ച വിദേശ സന്ദർശകർക്കായി യു.എസ് അതിർത്തികൾ വീണ്ടും തുറന്നു. 20 മാസത്തെ യാത്രാ നിരോധനത്തിന് ശേഷമാണ് ജോ ബൈഡൻ ഭരണകൂടം ഇന്നു മുതൽ വിദേശ സന്ദർശകർക്ക് പ്രവേശനം അനുവദിച്ചിരിക്കുന്നത്. വാക്‌സിനേഷൻ തെളിയിക്കുന്ന ഔദ്യോഗിക രേഖകൾ സമർപ്പിക്കുകയും യാത്രയ്ക്ക് മൂന്നു ദിവസം മുമ്പ് ടെസ്റ്റ് നടത്തി നെഗറ്റീവാവുകയും ചെയ്യുന്നവർക്കായിരിക്കും യു.എസിലേക്ക് പ്രവേശനാനുമതിയെന്ന് വൈറ്റ്ഹൗസ് വ്യക്തമാക്കി.

ചന്ദ്രഗിരിപ്പുഴക്കും അറബിക്കടലിനും ഇടയിൽ നഗരസഭാ പരിധിയിൽ സ്ഥിതിചെയ്യുന്ന പള്ളം തോട് കണ്ടൽക്കാടിൽ നിന്ന് കാസർഗോഡ് നഗരസഭയുടെയും ഗ്രീൻ വേംസിൻ്റെയും നേതൃത്വത്തിൽ 5 ടൺ പ്ലാസ്റ്റിക് മാലിന്യങ്ങൾ ശേഖരിച്ചു. ശുചീകരണ യജ്ഞം വഴി ശേഖരിച്ച മാലിന്യം ഗ്രീൻ വേംസ് കയറ്റിക്കൊണ്ടുപോവുകയും, അവ തരം തിരിച്ച് ശാസ്ത്രീയമായി സംസ്കരിക്കുകയും ചെയ്യും. രാവിലെ 8 മണി മുതൽആരംഭിച്ച ശുചീകരണ പരിപാടി ശ്രീ എൻ.എ നെല്ലിക്കുന്ന് എംഎൽഎഉദ്ഘാടനം ചെയ്തു.നഗരസഭാ ചെയർമാൻ അഡ്വ: വി എം മുനീർ അധ്യക്ഷത വഹിച്ചു, ആരോഗ്യകാര്യ സ്റ്റാൻഡിംഗ് കമ്മിറ്റി […]

മൊഗ്രാൽ. മൊഗ്രാൽ അംഗൻവാടിയിൽ രക്ഷിതാക്കളെ മാത്രം പങ്കെടുപ്പിച്ചുകൊണ്ട് ലളിതമായ ചടങ്ങിൽ പ്രവേശനോത്സവം നടത്തി.കോവിഡ് നിയന്ത്രണങ്ങളിൽ ഇളവ് വരുത്തി സ്കൂളുകൾ തുറന്നു പ്രവർത്തിക്കാൻ അനുമതി ആയിട്ടുണ്ടെങ്കിലും അംഗൻവാടിയുടെ കാര്യത്തിൽ അനിശ്ചിതത്വം നിലനിൽക്കുന്നുണ്ട്. ഈ സാഹചര്യത്തിലാണ് സർക്കാർ നിർദേശപ്രകാരം രക്ഷിതാക്കളെ മാത്രം പങ്കെടുപ്പിച്ചുകൊണ്ട് പ്രവേശനോത്സവം സംഘടിപ്പിച്ചത്. മൊഗ്രാൽ അംഗൻവാടിയിൽ നടന്ന പ്രവേശനോത്സവ ചടങ് വാർഡ്‌ മെമ്പർ റിയാസ് മൊഗ്രാൽ ഉദ്ഘാടനം ചെയ്തു.ഹമീദ് പെർവാഡ്, സഫിയ, നഫീസ, എം എസ് അഷ്‌റഫ്‌, അംഗൻവാടി ടീച്ചർ യശോദ, ജീവനക്കാരി പ്രമീള എന്നിവർ സംബന്ധിച്ചു.

ട്വന്‍റി 20 ലോകകപ്പിലെ അവസാന ഗ്രൂപ്പ് മത്സരത്തിൽ ഇന്ത്യ ഇന്ന് നമീബിയയെ നേരിടുമ്പോള്‍ കണ്ണുകളെല്ലാം കോഹ്‍ലിയെയാകും തിരയുന്നുണ്ടാകുക. ടി20 ജഴ്സിയില്‍ നായകനായി കോഹ്ലിയുടെ അവസാന മത്സരമാണ് ഇന്ന്. എം എസ് ധോണിയെന്ന ഭാഗ്യനായകന്‍റെ പകരക്കാരനായെത്തിയ കോഹ്ലിക്ക് പക്ഷേ ക്യാപ്റ്റന്‍റെ തൊപ്പി അത്ര രാശിയുള്ളതായിരുന്നില്ല. കുട്ടിക്രിക്കറ്റിൽ കിരീടമില്ലാത്ത നായകൻ എന്ന മാറാപ്പും പേറിയാണ് കിങ് കോഹ്‍ലി തന്‍റെ നായകദൗത്യം അവസാനിപ്പിക്കുന്നത്. ടി20 മാത്രമല്ല ഒരു മേജര്‍ ഐ.സി.സി ടൂര്‍ണമെന്‍റിലും കോഹ്‍ലിക്ക് കീഴില്‍ ഇന്ത്യക്ക് കിരീടം ഉയര്‍ത്താനായിട്ടില്ല. ഇതേ സ്ഥിതി […]

കാസര്‍കോട്▪️കാസര്‍കോട് പുലിക്കുന്നില്‍ സ്വിഫ്റ്റ് കാറില്‍ കടത്തിയ 198 ലിറ്റര്‍ കര്‍ണ്ണാടക മദ്യം പിടിയില്‍. ബംബ്രാണയിലെ മിതേഷ് ബി എന്നയാളെ അറസ്റ്റ് ചെയ്തു. കാസര്‍കോട് എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നാര്‍ക്കോട്ടിക് സ്‌പെഷ്യല്‍ സ്‌ക്വാഡ് പ്രിവന്റീവ് ഓഫീസര്‍ ബിജോയ് ഇ കെ യും പാര്‍ട്ടിയുമാണ് വാഹന പരിശോധന നടത്തിയത്. പാര്‍ട്ടിയില്‍ ഐ ബി പ്രിവന്റീവ് ഓഫീസര്‍ ബാബു പ്രസാദ്, സിവില്‍ എക്‌സൈസ് ഓഫീസര്‍മാരായ നിഷാദ് പി, മഞ്ജുനാഥന്‍ തുടങ്ങിയവര്‍ ഉണ്ടായിരുന്നു. കേസ് തുടര്‍നടപടിക്കായി കാസര്‍കോട് റേഞ്ചിന് കൈമാറി.