Category: Latest

മുളിയാർ അരമനപടി-മൊട്ടൽ പാലം ഭരണാനുമതി ലഭിച്ച സാഹചര്യത്തിൽ സാങ്കേതിക അനുമതി ലഭ്യമാക്കി ടെണ്ടർ’ നടപടികൾ പൂർത്തിയാക്കി പ്രവൃത്തി ഉടൻ ആരംഭിക്കണമെന്ന് കേരള കോൺഗ്രസ്സ്(എം) മുളിയാർ മണ്ഡലം കമ്മിറ്റി ആവശ്യപ്പെട്ടു. മെമ്പർഷിപ്പ് അടിസ്ഥാനത്തിലുള്ള മണ്ഡലം കമ്മിറ്റി തിരഞ്ഞെടുപ്പ് യോഗം അബുൾ ഖാദർ കോളോട്ട് അധ്യക്ഷതയിൽ ,ജില്ലാസെക്രട്ടറി സജി സെബാസ്റ്റ്യൻ ഉത്ഘാടനം ചെയ്തു . ജില്ലാ നേതാക്കളായ ബി. അബ്ദുൾഗഫൂർ, ജോണിപടുപ്പ് ,രാഘവൻചേരാൽ എന്നിവർ പ്രസംഗിച്ചു. ഫാറൂഖ് പിലാവടുക്കം സ്വാഗതം പറഞ്ഞു. മേൽ വിഷയത്തിൽ ബന്ധപ്പെട്ടവർക്ക് നിവേദനം നല്കാനും തീരുമാനിച്ചു.

ചെമ്മനാട്: ചെമ്മനാടിൻ്റെ ഹൃദയ തുടിപ്പുകൾ തങ്ങളുടെ കർമ്മ മണ്ഡലത്തിൽ താളമാക്കി തീർത്ത പൊതുപ്രവർത്തകരായ ടി.എച്ച്. അബ്ദുല്ല, ബി. എസ്. അബ്ദുല്ല എന്നിവരുടെ ഓർമനിലനിർത്താൻ ചെമ്മനാട് ഒന്നാം വാർഡ് കൊവ്വൽ നിവാസികൾ സ്വന്തം ചിലവിൽ നിർമിച്ച റോഡിൻ്റെയും ഓവുചാലിൻ്റെയും ഉദ്ഘാടനം കാസർകോട് ബ്ലോക്ക് പഞ്ചായത്ത് മെമ്പർ എൻ.എ. ബദറുൽ മുനീർ നിർവഹിച്ചു. വാർഡ് മെമ്പർ അമീർ പാലോത്ത് അധ്യക്ഷത വഹിച്ചു. ചെമ്മനാട് ജുമാ മസ്ജിദ് ഖത്തീബ് അബ്ദുൽ റഷീദ് നജ്മി വിശിഷ്ടാതിഥിയായിരുന്നു.പ്രൊഫ.കെ മുഹമ്മദ് കുഞ്ഞി സ്വാഗതം പറഞ്ഞു. സി.എം. […]