ബേക്കല്‍: സിപിഎം നേതാവിനെ മുസ്ലിംലീഗുകാര്‍ അക്രമിച്ചു.
പള്ളിക്കര ലോക്കല്‍ മുന്‍ ലോക്കല്‍ സെക്രട്ടറിയും ലോക്കല്‍ കമ്മിറ്റിയംഗവുമായ എം എച്ച് ഹാരിസിനെയാണ് അക്രമിച്ചത്.
വ്യാഴാഴ്ച വൈകിട്ട് അഞ്ചരയോടെ പള്ളിക്കരയില്‍ നിന്ന് വീട്ടിലേക്ക് ബൈക്കില്‍ പോകുമ്പോഴാണ് അക്രമം.
ലീഗ് നേതാവും പഞ്ചായത്തംഗവുമായ അബ്ദുള്ള ഹാജിയുടെ മകന്‍ ഷാഹുലുവിന്റെ നേതൃത്വത്തിലെത്തിയ സംഘം ബൈക്ക് തടഞ്ഞുനിര്‍ത്തിയ ശേഷം ഹാരിസിനെ അക്രമിക്കുകയായിരുന്നു. പരിക്കേറ്റ ഹാരിസിനെ ചെങ്കള ഇ കെ നായനാര്‍ ആശുപത്രിയില്‍ പ്രവേശിപ്പിച്ചു. അക്രമത്തില്‍ സിപിഎം പള്ളിക്കര ലോക്കല്‍ കമ്മിറ്റി പ്രതിഷേധിച്ചു. കുറ്റവാളികള്‍ക്കെതിരെ ശക്തമായ നടപടി വേണമെന്ന് നേതാക്കള്‍ പോലീസിനോട് ആവശ്യപ്പെട്ടു.
